帝樂 - 德國餐廳 (Closed)

選擇呢間德國餐廳幫朋友慶生，之前因爲餐廳有活動，我好好彩咁有免費豬手送，所以就試試佢。去到門口已經見到有live band唱緊歌，我地預早訂左位，所以就安排左坐特大卡位。其實餐廳入面好大，有好多位亦都坐得舒服既。講返食物，我地叫左一個大德國腸拼盤，焗面筋，芝士拼盤同豬手。因為身邊朋友都唔鐘意飲啤酒，所以無點。不過坦白講，德國野食一般都比較重口味，特別係芝士同豬手，唔配野飲會頂唔順，愈食愈咸，所以我地幾個女仔都食唔曬。價錢算中等，雖然豬手免費，但埋單都每人接近200。不過慶祝生日而且鐘意高調既朋友都可以去呢間，因為live band會行埋你個位同你唱生日歌，好好氣氛。