Hard Rock Cafe (Closed)

想去蘭桂芳減壓之餘食下嘢，之前食過呢間hard rock cafe可翻啅，冇嚟一陣發現成個menu唔同哂，當中甜品果part超吸引。呢度啲cheese cake可以話係重口味人士至愛，其甜度同芝士濃度有如cheesecake factory咁重手，鐘意美式口味嘅一定啱食，而我地叫呢個芒果青檸芝士蛋糕已經係相對清新，酸酸地令個蛋糕冇甜得咁徹底，夾芒果肉食更為調和而雪糕新地份量巨型好似聖杯咁，幾個一齊share食最開心，至於甜度冇想像咁勁，而且底部蛋糕滲入微微嘅冧酒香配埋雪糕食好滿足，如果可以再球雪糕響底部令下面啲料都凍埋就完美。至於熟食墨西哥薄餅可以話係不得了，入面放嘅芝士份量勁多，咬落每啖都可以拉到芝咁滯，呢個好食推薦而青醬牛扒已經預先切好，口味頗重連飯一齊食就剛剛好，而塊扒牛味都好夠，唯一係肉質烤得有啲實，可能食慣三成五成熟。最後我杯糖衣陷阱超得意，除咗杯邊之外仲會成包爆炸糖直接倒落杯mocktail度，好過癮😛