Video
Read full review
2017-09-24
3618 views
銅鑼灣飲食選擇多籮籮，餐廳競爭劇烈，尤其開咗幾個飲食地標後 (例如 V Point)，餐廳們要站穩陣腳都要有返咁上下實力。 「盈福小廚」位置近利園，地理位置甚方便，晚飯時亦見到長龍，算是爆滿，有些 walk-in 人客亦要食閉門羹。 室內環境甚逼夾，枱與枱之間可謂「世界零距離」。鋪租貴，明白的。 好，先來小吃「椒鹽鮮油拼脆炸豆腐」$88，這個做得不錯，夠乾身，豆腐裏面亦夠滑，用來送洒蠻不錯。 預留了半隻「瑤柱浸雞」$128，屬這裏招牌菜，先看看餐牌的描述： 瑤柱睇落幾足料，擺晒上面，雞也滑，不算大隻： 調味查實太鹹，食唔到瑤柱味同埋餐牌所描述的「鬼匠神功」，味道類似普通鹽焗雞或油雞之類，落唔落瑤柱可能分別不太大？！？！很想食雞的話，不妨一點，食時記得唔好點蔥油醬汁，否則更加濃味，唔單止瑤柱，可能連雞味都食唔到。 要預訂的「原隻燉冬瓜盅」$288，一份分八碗左右： 好飲，落咗田雞肉，湯頭甜，消暑。 以下幾個餸我覺得可以夾埋一齊寫。「蒜片牛柳粒」$128 一上枱揭開蓋係靜的「啫啫馬拉盞牛肉生菜煲」$128 「烏醋脆豬柳」$118 「度小月櫻花蝦炒飯」$118 看菜
「盈福小廚」位置近利園，地理位置甚方便，晚飯時亦見到長龍，算是爆滿，有些 walk-in 人客亦要食閉門羹。
室內環境甚逼夾，枱與枱之間可謂「世界零距離」。鋪租貴，明白的。好，先來小吃「椒鹽鮮油拼脆炸豆腐」$88，這個做得不錯，夠乾身，豆腐裏面亦夠滑，用來送洒蠻不錯。
預留了半隻「瑤柱浸雞」$128，屬這裏招牌菜，先看看餐牌的描述：
瑤柱睇落幾足料，擺晒上面，雞也滑，不算大隻：
調味查實太鹹，食唔到瑤柱味同埋餐牌所描述的「鬼匠神功」，味道類似普通鹽焗雞或油雞之類，落唔落瑤柱可能分別不太大？！？！很想食雞的話，不妨一點，食時記得唔好點蔥油醬汁，否則更加濃味，唔單止瑤柱，可能連雞味都食唔到。要預訂的「原隻燉冬瓜盅」$288，一份分八碗左右：
好飲，落咗田雞肉，湯頭甜，消暑。以下幾個餸我覺得可以夾埋一齊寫。「蒜片牛柳粒」$128
一上枱揭開蓋係靜的「啫啫馬拉盞牛肉生菜煲」$128
「烏醋脆豬柳」$118
「度小月櫻花蝦炒飯」$118
看菜名，調味應該各有不同，味道亦有輕重之分，起碼事前估計「櫻花蝦炒飯」會冇咁重口味？！事實出來都是差不多，一率「美極」味。個人覺得「啫啫馬拉盞牛肉生菜煲」可以走牛肉，就可不用理會食材不同生熟程度的因素，最緊要係個煲夠熱，來堂煮生菜；「烏醋脆豬柳」一定要加強醋的份量，要夠酸，無謂嘥咗炸得好的豬柳；炒飯就可以唔使落美極啦，搶走哂櫻花蝦的香及鮮味。
「紅酒牛尾煲」$158
羅宋湯味道，調味又係太鹹，牛尾亦炆得未夠腍，撕開肉會黐牙，蠻煞風景的。「肉絲炒麵兩面黃」$98
整體來說，可歸類為「一試無妨」。我亦相信，重口味，不會是等於一種味吧。
Post
