Video
Read full review
2013-08-27
134 views
細個時間中嚟食，但當時仲未識分咩叫好嘢，而家食返真係有少少想揼心口。佢嘅食品質素其實普普通通啦，例如牛雜咁樣都OK嘅，唔係難食，但點解我要畀個喊呢？就係因為佢個湯濃到呀媽都唔認得，每次都涸喉加頭痛，而我食完味精係會頭痛嘅，所以各位客倌自己參透下啦……唔係有時屋企人想食我真係唔會再去。不過咁，佢嗰度嘅雲吞係做得唔錯嘅，但唔係巨型雲吞，但有大地魚香味，亦都有豬肉香，唔係全粒都係蝦蝦蝦，間中我都會去買打生雲吞嘅。
而家食返真係有少少想揼心口。
佢嘅食品質素其實普普通通啦，
例如牛雜咁樣都OK嘅，
唔係難食，
但點解我要畀個喊呢？
就係因為佢個湯濃到呀媽都唔認得，
每次都涸喉加頭痛，
而我食完味精係會頭痛嘅，
所以各位客倌自己參透下啦……
唔係有時屋企人想食我真係唔會再去。
不過咁，
佢嗰度嘅雲吞係做得唔錯嘅，
但唔係巨型雲吞，但有大地魚香味，
亦都有豬肉香，唔係全粒都係蝦蝦蝦，
間中我都會去買打生雲吞嘅。
Other Info. :
唔知係咪生意冇咁好定係老闆決心要改革喇，
以前佢哋成班都好串，有啲伙記態度差到好似撩交打咁，
落單又求求其其，又要催你，又呼呼喝喝，
擺低碗嘢又彈啲湯出嚟，對啲客評頭品足，
試過有個客走咗就即刻講嗰個客個樣點點點點，
收錢多謝都冇聲好似老奉咁，
佢找錢俾我我講聲唔該，都反問返自己做咩要對佢咁好禮貌，
呢啲咁嘅員工同管理係咪有病架？
不過咁，始終係過咗去嘅事，最近都有改善
由細幫襯到而家都唔希望佢執嘅，
希望逐樣改善，越做越好啦。
(The above review is the personal opinion of a user which does not represent OpenRice's point of view.)
Post