吞POT 雞煲火鍋.住家菜

Open Now

Now Closed

今日放工同朋友去旺角食雞煲，呢間雞煲地理位置唔錯，喺旺角或者旺角東站去都好方便。一入到去發現環境都唔錯，座位舒適，坐窗邊仲可以望風景添。呢到嘅人服務態度都好好呀。同朋友叫左半隻重慶麻辣雞煲，建議唔係好識得辣嘅人叫BB辣就好喇，我地叫左小辣，但已經辣到每食一啖都要飲野飲。雞煲香味濃郁，好有麻辣香味，雞味道不錯，同埋都好多肉下。野飲方面，我地叫左杯西柚特飲，西柚味十足，都好大杯呢，如果唔係辣到不斷飲野就應該岩岩好夠一餐飲。配菜方面，我地叫左牛柏葉，娃娃菜，豆腐，烏冬同金菇。兩個人食呢啲都已經好飽，每樣配菜份量都好多，每一份嘅份量都好足夠兩個人食。配菜擺入煲內吸晒煲入面嘅湯，唔洗點醬油食都已經好好味喇。