老馮茶居 (大棠路)

最近，又一股熱潮襲港，就係懷舊風潮。似乎人人都對過去嘅事物念念不忘，衣着行復古風，餐廳亦以懷舊作招徠。位於元朗嘅老馮茶居就係一間仿照六十年代老香港茶記，可能你會誤以為係一間老字號，但其實餐廳老闆係位80後年輕小子，令人大吃一驚。店裡裝潢令人如置身於當年舊式廉租屋，鐵閘鐵窗、雜貨店、士多、錢莊等等。座位分開兩邊，中間圓枱摺櫈任君選擇，具有港式風味。一間懷舊餐廳除咗裝修要有賣點，食物質素都要有水準。老馮茶居就搵咗有40年經驗嘅點心師傅老馮先生坐鎮喇。呢個招牌菜用缽仔蒸飯係傳統客家做法，先蒸飯底約五分鐘，再加入紹興酒炒香蝦醬，混合腩仔後再連同米飯蒸多十分鐘，米飯乾身得嚟帶有米香。令小編覺得有驚喜嘅仲有做法花盡心思，先將肥豬肉汆水，冷卻後再加糖醃成冰肉，混合糖冬瓜、鮮牛油、鹹蛋黃、椰絲，然後冷藏45分鐘，再同千層糕包皮梅花間竹疊起，再分兩次合共蒸45分鐘，工序咁複雜，食落都感受到絲絲甜意。傳統點心就食得多，都係第一次食，鵪鶉蛋蒸到內裏軟心，連先打嘅豬肉及蝦肉餡，咬出啖啖鮮香。