Video
Read full review
2024-08-25
232 views
話說重慶大廈 係傳統食咖哩嘅地方，但聽講裡面好雜，你一入到去就會俾唔同嘅印度人拉客過去，所以小弟從來都未上過去。今次做一個實驗睇下係咪咁。一入到去，的確好多印度人拉你去佢餐廳，但只要同佢講你本身想食邊間，原來佢地係會帶你去，呢個體驗好特別。睇下餐牌先入面裝修算幾靚Samosa Chaat 印度旁遮普咖哩角 $75呢個就係將普通嘅咖哩角切碎，然後撈一個充滿香料嘅醬汁。醬汁上面有鷹嘴豆、生洋蔥、番茄，濃烈香料味道，都有少少清新，都幾特別嘅。可以試一次，但一般香港華人，應該習慣食返成個咖哩角。Murgh Malai Tikka 乳酪腰果燒雞 $118Tikka嘅中文係串燒，一般雞肉係紅色果啲Tendori，呢個白色嘅版本無咁常見。呢度係雞肉燒完，點薄荷乳酪醬，係正嘅，但腰果呢？唔知係完全無出現，定無味啦！令呢個感覺好似Kebab 裡面嘅肉咁樣。Fish Tikka 黃辣椒粉燒鯖魚 $148呢個價錢，以為係成條魚，但原來都係魚肉串燒。黃辣椒粉，辟到雪魚嘅味道，所以上枱無明顯腥味，但裡面都係有雪味。選材方面，餐廳要用心啦！Dahi Poori 乳酪炸米餅粒 $75呢個好似章魚小丸子嘅，其實都係印
睇下餐牌先
入面裝修算幾靚
Samosa Chaat 印度旁遮普咖哩角 $75
呢個就係將普通嘅咖哩角切碎，然後撈一個充滿香料嘅醬汁。醬汁上面有鷹嘴豆、生洋蔥、番茄，濃烈香料味道，都有少少清新，都幾特別嘅。可以試一次，但一般香港華人，應該習慣食返成個咖哩角。
Murgh Malai Tikka 乳酪腰果燒雞 $118
Tikka嘅中文係串燒，一般雞肉係紅色果啲Tendori，呢個白色嘅版本無咁常見。呢度係雞肉燒完，點薄荷乳酪醬，係正嘅，但腰果呢？唔知係完全無出現，定無味啦！令呢個感覺好似Kebab 裡面嘅肉咁樣。
Fish Tikka 黃辣椒粉燒鯖魚 $148
呢個價錢，以為係成條魚，但原來都係魚肉串燒。黃辣椒粉，辟到雪魚嘅味道，所以上枱無明顯腥味，但裡面都係有雪味。選材方面，餐廳要用心啦！
Dahi Poori 乳酪炸米餅粒 $75
呢個好似章魚小丸子嘅，其實都係印度食物。平時比較常見點酸辣汁，嘅米餅波波叫Panni Poori，今次呢個米餅波波唔係點酸汁，而係淋乳酪，再放少少薯蓉同石榴上去裝飾。乳酪入口好清新，加埋空心嘅米波波，好脆好開胃。但如果擺得耐，波波變腍，真係會超似小丸子，同埋會幾飽肚，一樣嘢有兩種口感。
Lemon Rice 檸檬炒飯 $88
本來見呢個配搭少見，以試伏嘅心態試，但原來呢個炒飯超有驚喜。上枱見到係濕濕地，用好多香料用印度長米炒嘅印度炒飯Biryani 。開頭以為係會有一個檸檬醬，原來係炒飯上面擠少少檸檬汁，一樣有香料味，但加左檸檬汁之後，弱化同融合，會令個飯易入口左好多。
Mango Lassi $42
芒果味乳酪，正常發揮，都係比較甜。可能我地叫嘅嘢唔夠辣，搭唔到解辣嘅效果。
Stawberry Lassi $42
士多啤梨味比較少見，但一樣好甜。
小計 $588
加一：$58.5
總數：$646.5
Post
