Video
Read full review
2018-10-18
1426 views
旺角行完街見有國內引入的重慶麻辣串串鍋，好似幾好食，幾新奇有特色。餐廳主要食火鍋，加入一串串的配料，對於平時只食火鍋既我，呢款串串鍋幾有新鮮感。每位$138可以任食任飲 120分鐘。湯底有四款選擇，而且可以點鴛鴦湯鍋，一次滿意兩款口味。肉類有齊牛、豬、羊及海鮮，都幾豐富吸引。我地點了招牌重慶麻辣湯鍋（少辣）及極品胡椒酸菜豬肚湯鍋。前者微辣帶點麻，湯鍋用左好多香料所以麻辣味特別香，配串串真係一流；後者豬肚爽口，仲吸哂胡椒同酸菜味，好好味。基本上火鍋湯底夠味，所以都唔使點太多調味，但我就一定要蔥、芫茜，夾埋肉食最正。有兩大雪櫃都夠凍，食物保持到溫度，而且都好齊整乾，可以放心食。其中必食有芫茜牛肉卷、雞腎、麻辣牛肉。丸類已切一半，方便進食，又可食多幾款都唔怕飽。仲有蔬菜及粉麵類，基本火鍋料都有齊。另一個細雪糕就放滿雪糕和雪條。我地算攞得斯文，其實可以攞多一點， 一大碟好有氣勢好豐盛， 一班人食仲有氣氛。每串都有幾粒細件配料，細骰可愛，快熟易食。有食肉獸最愛牛肉、雞翼、爽口魷魚、牛柏葉、木耳等，還有吸盡湯汁的豬皮、豆卜.....火鍋料有青口、各款丸類、三至四款菇菌類、蔬菜都有四款。丸類我覺得最
旺角行完街見有國內引入的重慶麻辣串串鍋，好似幾好食，幾新奇有特色。餐廳主要食火鍋，加入一串串的配料，對於平時只食火鍋既我，呢款串串鍋幾有新鮮感。每位$138可以任食任飲 120分鐘。
湯底有四款選擇，而且可以點鴛鴦湯鍋，一次滿意兩款口味。肉類有齊牛、豬、羊及海鮮，都幾豐富吸引。
我地點了招牌重慶麻辣湯鍋（少辣）及極品胡椒酸菜豬肚湯鍋。前者微辣帶點麻，湯鍋用左好多香料所以麻辣味特別香，配串串真係一流；後者豬肚爽口，仲吸哂胡椒同酸菜味，好好味。
基本上火鍋湯底夠味，所以都唔使點太多調味，但我就一定要蔥、芫茜，夾埋肉食最正。
有兩大雪櫃都夠凍，食物保持到溫度，而且都好齊整乾，可以放心食。其中必食有芫茜牛肉卷、雞腎、麻辣牛肉。丸類已切一半，方便進食，又可食多幾款都唔怕飽。仲有蔬菜及粉麵類，基本火鍋料都有齊。
另一個細雪糕就放滿雪糕和雪條。
我地算攞得斯文，其實可以攞多一點， 一大碟好有氣勢好豐盛， 一班人食仲有氣氛。每串都有幾粒細件配料，細骰可愛，快熟易食。有食肉獸最愛牛肉、雞翼、爽口魷魚、牛柏葉、木耳等，還有吸盡湯汁的豬皮、豆卜.....
火鍋料有青口、各款丸類、三至四款菇菌類、蔬菜都有四款。丸類我覺得最好味係有芝士餡既丸。
我地先點每款少少，岩食我地點左幾轉，好滿意。
第二轉既肉同樣吸引，而且仲點了羊肉，估唔到羊肉都好好食好嫩，少少羶味易接受。
牛梅花比較多脂肪，肉脂比例各一半，入口有牛脂香。牛小排，油份都算多，但油脂分佈平均，質感最薄，有點似肥牛，味道幾好。
安格斯牛，最少牛脂所以食完唔膩，牛肉味較濃，肉既紋理夠細緻，所以肉質口感最好。
黑豚肉，睇落偏肥，但熟左肉質爽彈，豬肉味幾重。
海鮮有蝦、沙白及脆鯇魚。蝦肉夠爽口彈牙，而且可任食，值回票價。沙白比較細，但都飽滿脹卜卜，而且無沙乾淨。脆鯇魚有分骨腩或肉片，我個人喜歡有骨，朋友就喜歡啖啖肉，魚肉軟滑唔腥。
麻辣牛肉有驚喜，好嫩滑麻香。
壓軸推介芫茜牛肉卷，肉味重加上芫茜爽爽地又吸到辣味，比起淨食牛肉，呢款更多層口感，仲食極唔膩。
除左汽水、果汁、熱茶/水，任飲仲有啤酒。唔夠喉可加錢要大支裝款的啤酒。
最後嘆埋個雀巢雪糕，有好重奶味既雲尼拿味，而朱古力雪糕，味道都夠濃。
Post
