Video
Read full review
2022-06-28
276 views
因為屋企人關係，細個成日食印尼餐廳，最鐘意就係食BAKSO，因為鐘意食牛丸又鐘意食粉麵。而家先知西貢有一間咁有FEEL嘅印尼菜。見到有戶外位俾客人同自己嘅寵物一齊CHILL住食個LUNCH，幾開心～話明鐘意食BAKSO $70 點會唔嗌，賣相冇乜特別，就係一碗牛丸粉面頭加左啲辣醬咁，食麵前循例先飲一啖湯，係清甜嘅牛骨湯味，調味又唔會太咸，辣醬嘅味道都唔太突出，唔會話好辣。牛丸個樣唔似出面賣嘅牛丸咁大粒，但係食落好香牛味，又唔會話好硬同UN，而米粉就好似平時即食嗰啲銀絲米粉咁，好幼身，偏硬身，浸耐左都唔會脹嗰款。成碗BAKSO都勾起左我細個嘅回憶，好好食。除左BAKSO，知道佢個白鬚牛骨湯飯 $95 好出名所以都嗌左黎試。 入面有牛腩牛骨同蘿蔔，哩個都好驚喜，牛腩好入味炆得好淋，一啲都唔鞋口，再有少少肥膏夾喺中間，除左好食都唔知講咩好，蘿蔔都入味而且冇渣。嘢飲試左佢個白鬚加朵 $48 同一罐CARBON BREWS嘅SOUR PUNCH $48白鬚加朵係咖啡黎，上黎嘅時候係一杯印尼咖啡同一杯雙球嘅雲尼拿雪糕，將兩者加埋就飲得，飲落係好正宗嘅印尼咖啡味，再帶少少雲尼拿嘅香甜，幾得意，可以試
話明鐘意食BAKSO $70 點會唔嗌，賣相冇乜特別，就係一碗牛丸粉面頭加左啲辣醬咁，食麵前循例先飲一啖湯，係清甜嘅牛骨湯味，調味又唔會太咸，辣醬嘅味道都唔太突出，唔會話好辣。牛丸個樣唔似出面賣嘅牛丸咁大粒，但係食落好香牛味，又唔會話好硬同UN，而米粉就好似平時即食嗰啲銀絲米粉咁，好幼身，偏硬身，浸耐左都唔會脹嗰款。成碗BAKSO都勾起左我細個嘅回憶，好好食。
除左BAKSO，知道佢個白鬚牛骨湯飯 $95 好出名所以都嗌左黎試。 入面有牛腩牛骨同蘿蔔，哩個都好驚喜，牛腩好入味炆得好淋，一啲都唔鞋口，再有少少肥膏夾喺中間，除左好食都唔知講咩好，蘿蔔都入味而且冇渣。
嘢飲試左佢個白鬚加朵 $48 同一罐CARBON BREWS嘅SOUR PUNCH $48
白鬚加朵係咖啡黎，上黎嘅時候係一杯印尼咖啡同一杯雙球嘅雲尼拿雪糕，將兩者加埋就飲得，飲落係好正宗嘅印尼咖啡味，再帶少少雲尼拿嘅香甜，幾得意，可以試下。 SOUR PUNCH就酸尾尾，唔係好重酒味，好啱夏天飲。
最後除左覺得食物好食之外，仲想讚下環境，成間餐廳嘅環境都令人好RELAX，仲有TATAMI坐，好啱放假過黎放鬆下。
牛骨湯飯
$95
55 views
0 likes
0 comments
BAKSO
50 views
0 likes
0 comments
Post
