花貝日本料理 (Closed)

今天跟同朋去了間超正嘅日本料理，餐廳位於位於銅鑼灣的Cubus，這裡都集中了不同美食，朋友選擇這裡主要係這裡嘅環境設置好有置身於和式料理店嘅感覺，一出升降機就見到門口擺放了松樹、石春、長木櫈的東瀛特色擺設，感覺似走進了和風庭院，可以體現到清淨且禪意深遠的和式美學設計，這裡還有日式塌塌米廂房及吧檯。餐廳午市嘅日式料理定食選擇繁多，但見到這個在蕎麥麵配魚生飯套餐內的海膽魚生飯就不用選其他了！套餐已包括前菜、茶碗蒸、漬物、海膽魚生飯、甜品。首先是前菜，炸魚塊，外面炸得十分香口，外面脆口，咬開魚肉軟滑！接住就係茶碗蒸，熱騰騰的茶碗蒸蛋入口味道香滑濃郁，還有漬物，醃製過嘅漬物，帶點酸酸甜甜味道，刺激胃口大開，好讓食客清一清味蕾再品嘗之後嘅美食。主食就係海膽魚生飯，上面放滿了海膽之餘旁邊有還有大量嘅三文魚籽，入口海膽好creamy又鮮甜，三文魚籽入口爆開嘅感覺真係好似在日本旅行時在市場內品嘗到嘅感覺！飯身十分彈牙有口感，配上海膽或三文魚籽絕對滿足！而跟餐還有蕎麥麵，上面放了大蔥，入口蔥味香濃，蕎麥亦十分有口感！甜品就係豆腐口味嘅雪糕，入口豆腐味道濃郁之餘口感夠晒香滑。在這裡可以感受到日式料理嘅服務