Sedap Malaysian Delights (Closed)

平時香港乜嘢國家嘅菜式都食到，但係唯獨馬拉風味就比較少見，而我同女朋友自從舊年去過馬來西亞之後，就愛上左馬來風味，今日去中環行街之後見到，就被吸引左入嚟！胡椒雞翼我哋已經肚餓左好耐，先叫個胡椒雞翼頂頂肚，上枱已經聞到好香嘅胡椒味，仲好細心咁樣幫我地分拆左變成單骨雞翼，比較重胡椒味，適合我哋呢啲重口味嘅人士！馬來咖喱焗海鮮盤見餐廳都有貼呢個菜式嘅宣傳海報，就咁睇已經流晒口水好吸引，一個海鮮盤已經夠我哋兩個人食，入面有大量海鮮，例如花甲、龍躉、蝦等等，而且仲加入左芝士等等邪惡嘅東西做調味，簡直令人胃口倍增！雞油飯食咖喱配雞油飯是常識吧！濃濃嘅咖喱海鮮汁同油飯簡直係絕配呀，令人食慾大增，正！