Video
Read full review
2014-09-23
7360 views
屋企有個對日本菜好有要求嘅細佬, 成日都叫我搵全港最好味, 最似喺日本嘅壽司舖搵到再帶佢食, 上網搵, 都搵過好多好出名, 但好多都係好劣評參半, 搞到都好亂上網搵不如問朋友, 朋友做日本菜師父,經佢介紹就book 咗呢間~openrice 睇好多人都話記得book 返佐瀬師父張枱就膽粗粗問下有冇, 點知佢地話佐瀬師父張枱full咗, 本身都有啲失望, 點知到出發前一日, 店員打黎confirm booking時竟然同我講有位 食鮨佐瀬而又坐過佐瀬師父張枱感覺先似黎過~1行4人黎到鮨佐瀬~門前好簡潔優雅, 外圍有啲竹樹包圍,門口用深藍色印有鮨佐瀬字樣嘅掛布, 再有盞小燈拉開木製趟門, 分了2邊, 左邊係好大嘅sushi bar我估可以坐到約十幾人, 右邊係一個房裡面大約可坐7人~侍應帶咗我地去右邊, 原來呢個小小嘅壽司枱就係佐瀬師父主理嘅當把趟門拉埋, 就變成一個VIP Room, 我地3人叫了lunch嘅deluxe sushi set同埋1人叫了 maguro set (鮪魚定食- 即吞拿魚)落完order, 佐瀬師父會問有冇咩特別唔食, 問完就開始預備食材...佐瀬師父做事樣子
成日都叫我搵全港最好味, 最似喺日本嘅壽司舖
搵到再帶佢食, 上網搵, 都搵過好多好出名,
但好多都係好劣評參半, 搞到都好亂
上網搵不如問朋友, 朋友做日本菜師父,
經佢介紹就book 咗呢間~
openrice 睇好多人都話記得book 返佐瀬師父張枱
就膽粗粗問下有冇, 點知佢地話佐瀬師父張枱full咗,
本身都有啲失望, 點知到出發前一日,
店員打黎confirm booking時竟然同我講有位
食鮨佐瀬而又坐過佐瀬師父張枱感覺先似黎過~
1行4人黎到鮨佐瀬~
門前好簡潔優雅, 外圍有啲竹樹包圍,
門口用深藍色印有鮨佐瀬字樣嘅掛布, 再有盞小燈
拉開木製趟門, 分了2邊, 左邊係好大嘅sushi bar我估可以坐到約十幾人, 右邊係一個房裡面大約可坐7人~
侍應帶咗我地去右邊, 原來呢個小小嘅壽司枱就係佐瀬師父主理嘅
當把趟門拉埋, 就變成一個VIP Room,
我地3人叫了lunch嘅deluxe sushi set同埋
1人叫了 maguro set (鮪魚定食- 即吞拿魚)
落完order, 佐瀬師父會問有冇咩特別唔食,
問完就開始預備食材...
佐瀬師父做事樣子認真,旁邊客人問佐瀬師父野, 佢都只係問一句答一句
但態度友善, 只是感覺有點嚴肅. 有啲奇怪嘅係,
佐瀬師父會將要整壽司的魚生先切好一片片,
最後再慢慢搓飯放上去, 這點令我諗起切牛扒嘅學問~
好多人會一開始切好晒件扒, 有啲人一路食一路切,
雖然我唔知道預先切有咩唔好, 但感覺有啲似趕收工咁 ~
Deluxe Suhi Set ($500)Set 有12件壽司, 蒸蛋加烏冬...
壽司包括有蝦, 海膽, 魚子, 拖羅, 吞拿, 池魚, 鰻魚等等...
食後感覺好似飛咗去日本嘅築地, 飯上面嘅魚生鮮、肥、甜、爽
海膽toro固之然一試難忘, 但最深刻可以話係個蝦,
因為佢用醬汁用得恰當, 蝦會用返蝦膏做汁塗上面,
令到件蝦壽司, 味道貫徹始終,
而且佐瀬師父唔會下下都用醬汁,
用嘅份量都只係輕輕塗上, 忠於刺生原有嘅鮮味~
因為"出文"前星期吃過其他出名嘅壽司店,
差唔多1個set 好多件壽司都用醬汁,
但就配答錯晒醬汁, 搞到成個set 浪費晒~
所以有感塗上面嘅醬汁真係好緊要
Maguro Set ($500)Set 有吞拿魚蓉飯, 2件燒拖羅及6件小吞拿魚卷
以前好唔鐘意食吞拿魚, 鮮紅嘅Maguro (赤身) 總會帶有一種獨特味道
但自從日本食過原來新鮮嘅Maguro 係冇呢隻味,
屋企人叫了呢個set, 我當然都要分一杯羹試一試啦~
吞拿魚蓉飯好味, 有如平時食蔥吞拿魚軍艦,
平時一件得少少, 今次一碗黎, 睇一睇都已經好滿足
2件燒拖羅及6件小吞拿魚卷, Toro燒過好似有啲浪費, 因為燒過令到肥美感減少
雖然仍然美味, 但始終刺身比較吸引
Set lunch 另外仲有 蒸蛋, 好滑紅麵豉湯, 未飲過紅麵豉湯, 味道好濃郁
烏冬, 好幼好滑同彈牙, 細細碗,
可能惜完晒12件壽司, 已經要好勉強地放佢地入個胃...
食完晒成個餐, 侍應問我地需唔需要甜品, 介紹咗鮨佐瀬既 招牌抹茶奶凍,
抹茶濃郁, 其實真係非常好食,
但平時有多個胃放甜品都食唔落呢個奶凍,
吃了幾口就轉贈家人
食後屋企人都好滿意, 仲每次一提起都會問: 幾時再食???呢到樣樣野都滿分, 但講到價錢, 如果一餐lunch $500都幾貴
但試過另一間GINZA IWA就要成800蚊~
呢間價錢不但便宜, 同埋好食好多呢~
提外話:
剛剛遇到當日係週年誌慶, 佐瀬師父請大家無限任飲清酒,
而當日佐瀬師父選嘅清酒名我已經唔記得咗,
但平時唔多飲清酒, 飲一啖已經唔想飲嘅我, 都飲咗2杯
最特別之處係佢可以用杯或下圖嘅木兜飲...
日本傳統喜慶都會用呢啲木兜飲飲酒
Post
