磊犇 (Closed)

之前從來未試過食石燒牛扒，而石燒牛扒呢種任食飯，任飲湯呢一種半自助餐方式，深深咁吸引住我，令到我一直以來都好想試下以前覺得石燒牛扒因為塊石上面持續有熱力，會令到塊牛扒其中一面太熟而變得好柴好硬同唔好食。但係呢一次食燒牛扒嘅體驗完全顛倒左以前嘅觀念，塊石頭雖然係高溫但係並唔會令到牛扒過熟，反而維持着最合適嘅溫度，即使放耐左都唔會令到牛扒過熟✨ 牛肩肉 300g 極度推薦呢一隻牛肩肉，第一個原因係分量十足，塊牛扒大得來，厚度足足有一個拳頭左右！ 以為呢一件嘅牛味應該冇西冷牛扒咁得出？咁就錯喇！舊牛肩肉有極多油脂同埋肥瘦均勻，燒上來非常非常香！✨ 西冷牛扒 200g西冷牛扒嘅價錢來得比牛肩肉貴，分量亦都係比較少同埋牛肉嘅厚度冇牛肩肉咁大份。但係牛嘅味道就比牛肩肉更加濃郁，脂肪嘅分布更加好🤪🤪對比起上來我覺得牛肩肉嘅性價比較高，呢間餐廳不論味道，份量同埋食半自助餐嘅方式都令我目定口呆，覺得好好食希望可以下次再嚟食！