Video
Read full review
2019-03-02
105 views
成日話我最中意𝑩𝒖𝒓𝒈𝒆𝒓𝒐𝒐𝒎，但係一直未認真寫過佢。回頭率：🌕🌕🌕🌕🌗服務：🌕🌕🌕🌕🌑環境：🌕🌕🌕🌕🌑份量：🌕🌕🌕🌕🌑味道：🌕🌕🌕🌕🌑價錢：HKD148/Pal◆𝐒𝐔𝐌𝐌𝐀𝐑𝐘◇環境唔錯，座位多，尖沙咀店排隊少。牛肉高質，份量大，招牌漢堡多。————————————————————————◆菠蘿煙肉牛肉漢堡◇ HKD92 😍漢堡包嘅麵包好重要，太硬太腍都容易令成個包扣分。哩度嘅麵包厚身，塗了薄薄一層牛油，烤得乾身之餘保持輕盈鬆軟，空氣感十足，同𝑺𝒉𝒂𝒌𝒆 𝑺𝒉𝒂𝒄𝒌非常軟身濕潤的麵包完全唔同，哩個睇個人喜好，我就覺得兩個各有特色，友人就更中意𝑩𝒖𝒓𝒈𝒆𝒓𝒐𝒐𝒎乾身嘅感覺。煙肉頗為香脆，上面的菠蘿多汁，酸酸地尤其開胃，滲落牛肉裡令口感更加Juicy。漢堡扒好厚切，肥肉比例唔低，所以充滿香口的油脂味。唔好睇佢顏色好似全熟，食落完全唔韌口，冇咩筋，又唔鞋口。◆帶子漢堡◇ HKD98 😋第一次試帶子漢堡，冇想象中咁單調。比左四粒大帶子，有裙邊，好彈牙，冇雪味。番茄的加入亦令本身無甚味道嘅帶子生動起來。◆薯條◇ HKD
回頭率：🌕🌕🌕🌕🌗
服務：🌕🌕🌕🌕🌑
環境：🌕🌕🌕🌕🌑
份量：🌕🌕🌕🌕🌑
味道：🌕🌕🌕🌕🌑
價錢：HKD148/Pal
◆𝐒𝐔𝐌𝐌𝐀𝐑𝐘◇
環境唔錯，座位多，尖沙咀店排隊少。牛肉高質，份量大，招牌漢堡多。
————————————————————————
菠蘿煙肉牛肉漢堡
$92
29 views
0 likes
0 comments
◆菠蘿煙肉牛肉漢堡◇ HKD92 😍
漢堡包嘅麵包好重要，太硬太腍都容易令成個包扣分。哩度嘅麵包厚身，塗了薄薄一層牛油，烤得乾身之餘保持輕盈鬆軟，空氣感十足，同𝑺𝒉𝒂𝒌𝒆 𝑺𝒉𝒂𝒄𝒌非常軟身濕潤的麵包完全唔同，哩個睇個人喜好，我就覺得兩個各有特色，友人就更中意𝑩𝒖𝒓𝒈𝒆𝒓𝒐𝒐𝒎乾身嘅感覺。
煙肉頗為香脆，上面的菠蘿多汁，酸酸地尤其開胃，滲落牛肉裡令口感更加Juicy。
漢堡扒好厚切，肥肉比例唔低，所以充滿香口的油脂味。唔好睇佢顏色好似全熟，食落完全唔韌口，冇咩筋，又唔鞋口。
帶子漢堡
$98
21 views
0 likes
0 comments
◆帶子漢堡◇ HKD98 😋
第一次試帶子漢堡，冇想象中咁單調。比左四粒大帶子，有裙邊，好彈牙，冇雪味。番茄的加入亦令本身無甚味道嘅帶子生動起來。
粗薯條
$28
15 views
0 likes
0 comments
◆薯條◇ HKD28 😋
同樣係炸得酥脆唔乾硬，粗薯嘅薯仔味又夠濃。
芝士條
$50
18 views
0 likes
0 comments
◆𝐌𝐨𝐳𝐳𝐚𝐫𝐞𝐥𝐥𝐚 𝐂𝐡𝐞𝐞𝐬𝐞 𝐒𝐭𝐢𝐜𝐤◇ HKD50 🙂
熱辣辣嘅芝士條，本身係𝘉𝘳𝘪𝘦 𝘊𝘩𝘦𝘦𝘴𝘦，當日轉左𝘔𝘰𝘻𝘻𝘢𝘳𝘦𝘭𝘭𝘢，拉絲效果一流，不過要趁熱食，咪好快會冇得拉絲，食落亦比𝘉𝘳𝘪𝘦要硬身少少，有啲似食芝士丸。
💁🏻♀️可能幾次去尖沙咀店都係好早或者好夜，完全唔駛排隊，而且尖沙咀店大啲，坐得舒服好多
💁🏻♀️漢堡喜愛程度：大烤菇芝士牛肉漢堡＞煙肉菠蘿牛肉漢堡＞帶子漢堡＞鵝肝牛肉漢堡＞軟殼蟹漢堡
💁🏻♀️哩度嘅Burger我覺得牛肉最出色，其他款式相比之下肥美多汁程度都略遜一籌，至於鵝肝排得後，係因為鵝肝同牛肉都太搶眼，分開食仲正啲
💁🏻♀️最大嘅遺憾就係因為漢堡大，我食完一半就凍左了嗚嗚
👉🏻我心目中的Burger回頭率排名👈🏻(唔考慮地理位置....)
1. The Apple Pan
2. 𝑩𝒖𝒓𝒈𝒆𝒓𝒐𝒐𝒎 ✨(大啡菇牛肉漢堡)
3. 嘉寶小食(烤菇芝士牛堡)*
4. In-N-Out Burger*
5. Shack Shack (Smoke Shack)*
6. Top Blade Steak Lab (Super Burger)
7. Burger Bar (大啡菇牛肉漢堡)
8. BLT/The Butchers Club Burger/Seafood Stand(Classic Burger)/Honbo
10. Five Guys **
11. 時新快餐
12. Simplylife
*上榜皆係因性價比高
**回頭唯一理由係薯條
Post
