Cosmos Restaurant & Bar (Closed)

這間位於尖東的浪漫西餐廳一直都是小弟和女友最愛的餐廳之一，難得週末早放工，當然要同女友到這裡大快朵頤，以美食作為週末的開胃菜。先點了一碗蕃茄湯作餐湯，濃郁的蕃茄湯帶著微酸的清新蕃茄口感，令人食慾大增。加了油醋沙律汁的沙律菜，配上一小杯雪葩，酸酸甜甜的感覺，開胃一流。來得呢間餐廳，當然要叫返杯cocktail啦，識飲既當然係飲Dry Martini啦。仲有smoothie, 唔飲酒的話都係一個好好的選擇。德國咸豬手，皮脆大件又唔會過於油膩，加上蜜糖的甜甜味道，真係非常滿意。香煎油甘魚 伴鵝肝 魚子，油甘魚係挺難煮食的食材，因為油甘魚魚油較多，技巧不足會令菜式過份酒膩。只見上碟後油甘魚魚油分佈得很均勻，魚香中帶點油香，配合鵝肝魚子作伴碟，真係必食之選。伴碟質素都毫不含糊，顯示出餐廳製作認真。很滿意的一餐，期待下次再同女朋友來呢度享受更多美食。