Video
Read full review
2006-07-24
15 views
昨夜再次跟女友及女友爸爸三人行食晚飯，女友想帶爸爸去食牛扒，心諗自己對上一次嚟呢度幫襯睇怕都有近十年前，有少少懷念呢間老鋪嘅氣味，於是就嚟一個reunion..一上到去，裝修依舊，侍應亦好似無乜換過人，依然一派老牌西餐廳優雅嘅氣味，service亦係一流嘅。見到menu入面個set dinner幾抵食，有頭盤、主菜、甜品及drinks，但又唔想叫三份一樣(因有D嘢唔係太啱食)，決定只叫一份，其餘就散叫。先嚟兩個appetizer --- 西柚汁煎帶子及牛仔肝醬。帶子水準普通，唔係太夠新鮮，亦都無外脆內軟嘅口感，食落去好似有D "膠膠地"，感覺好古怪，唔太好；牛肝醬好重牛味，跟鵝肝醬口感相似，但各擅勝場，配合伴碟嘅多士及肝醬凍，相當不俗，女友未試過，覺得幾得意，好味；三個主菜，有兩碟係steak，都係charcoal grill，不過跟餐嗰件就只係普通加拿大牛扒，煎至七成熟，肉質當然比較普通；女友爸爸食嗰件就係正宗美國Sirloin，雖然係well done，但牛味十足，而且仍保留到肉汁，師傅手勢算係咁，再加埋配菜嘅炸薯條，焗薯、青豆角及蘑菇，真係飽得八八九九；自己見女友及爸爸都orde
一上到去，裝修依舊，侍應亦好似無乜換過人，依然一派老牌西餐廳優雅嘅氣味，service亦係一流嘅。
見到menu入面個set dinner幾抵食，有頭盤、主菜、甜品及drinks，但又唔想叫三份一樣(因有D嘢唔係太啱食)，決定只叫一份，其餘就散叫。
先嚟兩個appetizer --- 西柚汁煎帶子及牛仔肝醬。帶子水準普通，唔係太夠新鮮，亦都無外脆內軟嘅口感，食落去好似有D "膠膠地"，感覺好古怪，唔太好；牛肝醬好重牛味，跟鵝肝醬口感相似，但各擅勝場，配合伴碟嘅多士及肝醬凍，相當不俗，女友未試過，覺得幾得意，好味；
三個主菜，有兩碟係steak，都係charcoal grill，不過跟餐嗰件就只係普通加拿大牛扒，煎至七成熟，肉質當然比較普通；女友爸爸食嗰件就係正宗美國Sirloin，雖然係well done，但牛味十足，而且仍保留到肉汁，師傅手勢算係咁，再加埋配菜嘅炸薯條，焗薯、青豆角及蘑菇，真係飽得八八九九；
自己見女友及爸爸都order steak，唔想又嚟一件牛，忽然心諗呢度以前有俄羅斯名菜chicken in supreme (Kiev) (即係基輔雞卷)叫，於是望吓menu，真係有，即刻諗都唔使諗order一客。呢味嘢响香港真係唔係處處有得食(記得上次去Soho食Ivan the Kozak都唔多覺有)。用嘅係雞脾肉，用牛油炸香，之後再响雞肉中間放入一個蒜茸牛油汁，再放一D mashed potato响碟底，於是當你一切開件雞嘅時侯，D汁就洶湧而出，好似山泥傾瀉咁。D汁亦會完完全全滲入D薯蓉度...淨係聽見都流晒口水la，不過就"漏"到爆炸。呢度嘅水準都算OK，雞肉頗嫩，面頭層皮炸得幾脆，汁亦夠多，薯蓉亦好"牛油"，美中不足係個蒜蓉牛油汁太稀，印象中正宗嘅雞卷嘅汁應該係杰D嘅..
食得性起，再叫一個Satellite，呢個係一個雪糕甜品--- 將加熱嘅Brandy淋响冰凍嘅炸Vanilla雪糕上面，視覺及味覺嘅雙重享受。
埋單剛好一千大元，咁嘅環境加食物質素，算係咁lor..
Post
