海鮮站

Open Now

Now Closed

係炮台山有間我差唔多個個星期都會食一次既龍蝦湯飯既餐廳執左，聽講佐敦有間分店，所以星期六既下午就專登出左去佐敦試下～星期六既午飯時間，得幾枱人，唔駛等位，餐廳比炮台山大好多，望下個餐牌，食物既種類比炮台山店多，價錢當然都貴左，但一場黎到，當然要試下。我地叫左龍蝦湯飯同海鮮焗飯，個味道真係同我平時食開既一樣，依舊係底湯濃郁，肉味新鮮彈牙，更重要既係龍蝦肉比之前仲要多！但焗飯既海鮮就少左！不過都仲值得一試呀！見到隔離枱食蒸魚，我地都心動好想試，但因為已經叫左兩個飯，唯有等下次啦。