海鮮站

Open Now

Now Closed

蒜蓉蒸海中蝦，呢一個價錢嚟講喺佐敦絕對唔係貴，份量嚟講都對得住呢個價錢，每一隻蝦咬落去都非常實身，冇梅既情況出現，再加埋蒜蓉同埋粉絲，簡直就係超級超級夾，餐廳再用埋特配嘅豉油，令到成個口感更加昇華，而且有兩三隻蝦仲要係有膏，食得出非常新鮮嘅來貨！蒜蓉蒸元貝，我同朋友都非常鍾意食元貝，餐廳用嘅元貝，都係食得出非常新鮮，粉絲再索埋蒜蓉同埋元貝嘅鮮味，簡直就係冇得頂，冇諗過可以喺佐敦都可以用呢一啲平民價錢食到，鍾意食海鮮嘅朋友唔可以錯過呢一間餐廳

都不是第一次來這裡食晚飯，我記得上一次食「豉汁蒸䱽魚」。可是今晚沒有這個選擇。我點了一個「蒜蓉粉絲蒸班腩」，友人點了「上海中蝦伊麵」。說真的，我初時對上湯伊面沒有什麼期待，我自己估是普通白灼蝦，一碗面。沒有想到，先上台就是它。首先這個面，原來用「碟」上菜。上面放了4隻中蝦！外面，是炸過！有薄薄的炸粉，面頭有椒鹽的味道，咸淡適中，好好👍🏻味！真係沒想到！伊面的上湯都不是十分之濃！但，配伊面好食！而且，面的口感不會很腍，不錯👍🏻！到另外一道菜「蒸班腩」，蒜蓉粉絲，好食🤤！重點是個「豉油」。好香，好味！魚肉都新鮮，口感好滑溜，絕對比外面一些大酒樓蒸得更加好！讚👍🏻！這一家小店，我絕對會再次幫襯，要試下其他菜式。🥰🥰💓

🥢鮮茄焗豬扒飯 $53焗豬扒飯高質過快餐店🤤🤤焗飯表面鋪滿芝士，夾起個豬扒就會見到個芝士拉絲🤤配埋茄汁同炒飯底好夾❤️番茄汁酸酸甜甜咁，撈埋個飯食好開胃，好正🤤🤤豬扒係厚切嫁!!啖啖肉，而且唔會有陣肉騷味🥰價錢同連鎖快餐店差唔多，值得一試🤭佢跟餐仲有個青紅蘿蔔粟米湯，都唔錯，唔會淡茂茂🤤🥢海鮮湯飯 $60湯底濃郁而且個湯唔重味精，就算飲晒個湯都唔會口渴🤣入面有蝦有花蛤有魷魚同埋炸魚皮😍重點係佢係用新鮮海鮮❗❗❗起初以為依個價錢應該係急凍海鮮...真係好有驚喜😍🥢焗龍脷魚飯$60炸過既龍脷魚柳配上白汁芝士，香口嫩滑🤤再加埋個炒飯底落去焗真係好香口，但白汁味道比較淡🫣對比茄汁飯有D遜色🫣一樣都有跟中湯❤️評分：味道：⭐️⭐️⭐️環境：⭐️⭐️⭐️⭐️整體：⭐️⭐️⭐️⭐️————————————————————————

食海鮮嘅餐廳嚟講，呢間真係性價比高，又好味。老闆娘同夥計都好親切。三個人食咗五個餸。生蠔6隻，蒜蓉粉絲蒸蟶子3隻，蒜蓉粉絲蒸大扇貝3隻，蒜蓉粉絲蒸斑球（冇辦法啦，因為我要求朋友陪我食清淡少少，自己減肥又要為食。🤣），籠仔蒸白菜，白飯1個，甜品有大蝦水果沙律+芒果布甸。最重要嘅蟶子同扇貝，唔記得咗影相，一上枱熱辣辣，大隻，好肚餓，見到即刻食咗。😂😂😂埋單$7xx，小店來講，真係唔錯，值得推薦。🥰🥰🥰

同事話呢到好食，經過見到唔駛等位就入去試試啦！老闆好細心，餐具會先幫忙用熱水洗一洗之後就會上茶同湯海鮮焗飯白汁比較少，白飯更比較硬，蝦、魷魚、炸魚都新鮮既，只係蝦焗完有點硬！整體味道就一般啦…唔會再叫囉！我覺得如果係呢到食，應該係食海鮮，我係揀錯食物～

和同學八人，享受了一頓美味海鮮晚餐，先食芒果龍蝦沙律，各款生蠔，再食長腳&奄仔蟹加其他海鮮熟食，老闆還免我哋開瓶費，大家都開心飲飽食醉，大滿足！下次再泥呢度gathering😃

呢間海鮮站，以前在炮台山食過，海鮮用料好新鮮，而且烹調都好出色，好發揮到海鮮嘅味道，都係我其中一間幾鍾意食海鮮嘅地方後來唔知道幾時，炮台山的店沒有了，以為沒有了這個吃海鮮的好地方，點知最近在佐敦見返呢個名，仲有同一款龍蝦湯湯飯，我就知道係同一間舖頭了講講個飯先，啲龍蝦湯多到瀉出嚟，龍蝦味好濃，勁足料個飯仲跟咗條龍蝦尾肉，ok彈牙同鮮甜，龍蝦處理得好好唔好睇佢一碗飯好似好細碗咁，食落都非常之飽肚😆自從自己要開始煮飯起，就知道要將海鮮處理得好同煮得好，絕對係非常唔容易，以呢度嘅食物質素同價錢來講，我覺得性價比都算好高，而且好近我office，一定會多啲過嚟食😝

其實呢間餐廳10年前喺尖東開嘅時候已經經常去佢搬個三次鋪位之後我以為冇左消息所以搵唔返今日咁去睇牙醫睇下附近有咩海鮮食佢終於都係openrice彈返出嚟頭盤叫 法國Gillardeau 個同埋澳洲Coffin Bay 生蠔 非常新鮮夠海水味之後叫左個二人琵琶蝦套餐 再加咗個砵酒焗鮑魚& 炸魷魚開多多枝白酒 perfect match ! 個餐有菜有豬扒飯 豬扒飯真係好食 同以前一樣冇變過海鮮真鮮味 好開心可以再嚟返海鮮站加油！

餐厅的名字已说明是以海鲜为主，门面很樸素，以白色为主。这个灯箱已经放在店外一段时间，西式的做法，价钱也不会太贵。店內的餐牌有展示了不少菜式，海鲜也有中式做法。看到他们的海鲜类也有不少款式，鲍鱼、濑尿虾、花甲等等。龙虾汤味道不是太浓郁，里面有一点点龙虾碎肉，虽然没有大惊喜，但味道还行。主食点了一份焗猪扒饭，即叫即做，送到时盛着的器具是烫手的。但外面的茄汁有点淡，饭是白米饭，没有炒蛋饮香。虽然味道普通，但感觉是可以的。

以前在尖東去過兩次，唔知點解一直覺得是西餐，原來搬了去佐敦，今次先知道是中式做法海鮮種類都多選擇，點了幾款，煮得剛剛好, 好鮮味，招呼亦不錯。  見到有好幾個客都係食一人套餐，下次我都要試下做孤獨的美食家

欣賞餐廳所有餐具都用沸水淥過, 好衞生, 而且會放低一壺茶俾食客慢慢斟😆鮮茄焗豬扒飯豬扒一塊切條, 薄切, 夠稔。可惜飯粒唔夠乾身分明, 醬汁亦冇鮮茄味道, 只得一舊蕃茄...芝士亦可再多啲 (明明我見Openrice其他食客嘅相有好多芝士😢)焗龍脷魚飯魚柳份量多, 肉質鮮嫩。如果飯底用上蛋炒飯, 再乾身啲, 再多啲汁, 會更吸引。另外叫咗個海鮮湯伊麵, 有誠意, 並唔係用急凍雜錦海鮮。建議餐廳將炸魚皮和炸魚柳分開上, 避免放湯後影響脆卜卜的口感。

朋友極力推薦，帶咗我過嚟食呢間中西合璧嘅海鮮晚餐，都真係非常驚喜😯一壺新鮮熱辣辣嘅泡茶作為晚餐嘅開端，確實不錯👍🏼啱晒最鍾意飲中式茶嘅我💕·🦞芝士煙肉焗龍蝦仔伊麵 (HKD 128)唔知有冇人同我一樣，去飲嘅時候都鍾意食芝士焗龍蝦伊麵🤣呢度嘅龍蝦伊麵芝士味唔會太鹹，龍蝦仲啖啖肉，而且好易起到肉，唔使擔心食到好狼狽👍🏼·🦐蒜蓉蒸中蝦 (HKD 68)蝦肉非常新鮮，肉質彈牙！香蒜味超濃郁😋而且蝦都一樣好易起肉，底下仲有粉絲，吸哂蝦汁精華！·🥬籠仔蒸白菜仔 (HKD 49)香港好少地方可以食到籠仔蒸菜，好特別😯白菜仔食落腍身，仲有陣陣蒜香，而且好大籠夠哂二人份量有餘👍🏼呢個價錢可以食到咁新鮮好食嘅海鮮真係好驚喜，而且最正就係可以一邊嘆茶💕

Lunch嗌左個外賣！😋😋送過嚟嘅時候仲係熱辣辣嘅！打開個蓋，入邊仲係keep得好好！！🥳🥳一啲都冇撞爛到！有湯有飯！好香！啲魚好嫩，蒸到啱啱好！如果啲蔥可以多啲就好啦😊😊越多越香！下低有粉絲墊住，索晒甜豉油嘅味！啲魚入邊冇咩骨嘅，可以直接食！啲汁同飯一齊食好野未！公司嘅同事見咗都話下次都想嗌過😆😆提醒大家，如果係喺附近嘅，打電話落單嗌外賣得啦！千祈唔好用外賣Apps ！ Apps貴成30幾蚊雞！💸💸💸

連續兩個禮拜六同女朋友嚟食晏，因為俾依度嘅蒸魚所吸引。上次食咗蒸王立倉同豉汁蒸馬友，今次揀咗蒸黃花魚同豉汁蒸斑腩。黃花魚蒸嘅時間啱啱好，肉質嫩滑冇腥味，除咗用咗大量薑蔥，女朋友話師傅清洗條魚很乾淨都有關。蒸斑腩就比較失色咗啲，除咗上碟不是腩位外，件數也不多，唯有將索滿豉汁嘅粉絲撈飯一齊食😔另外例湯冇味精，好飲過要俾錢嘅螺頭湯😅食咗四款蒸魚，我同女朋友一致認為上次食嘅蒸馬友最好食，因為魚肉油份較多同鮮味。

因為2020冠狀病毒疫情和2019社會運動 住大嶼山的我已經好少出去。海鮮站 在我孩子得幾歲時 是在尖沙咀東部的一個小商場 搬過一次 我在兩個地點都有食過。後來再搬到上海街。我帶爸爸來吃父親節飯好幾偏。我爸嘴刁好難服侍 平日一定食新鮮海魚 他吃過竟然無話說無投訴。我最愛鹹蛋黃金蝦和我仔最愛芝士龍蝦焗伊麵 他現在已經16歲 一個人可以吃完整蝶！晚上多些人一齊食 可以叫多選擇一點 包妳吃得痛快！海鮮最緊要新鮮 海鮮站 不會令你失望 食物新鮮安全有素質！ 疫情下如未能晚饍的話 不妨試試午飯時間 你會有驚喜！祝大家 食得是福 平平安安 大塊朵頤吧⋯⋯