正宗山東餃子店

Open Now

Now Closed

同同事出黎食lunch，食左幾餐茶仔想轉轉口味，黎左食餃子，嘩，真係好耐無黎食啦。無哂卡位，坐左張大圓枱，濶落嘅，但呢個位無乜冷氣有點熱。酸辣湯京蔥羊肉餃子湯麵（$50）一向喜歡食羊肉就點左呢款餃子，睇番自己的食評，原來幾年前個篇都係食呢款，哈哈，口味真係無轉過喎餃子大大隻，厚皮個種北方餃，幾合口味又飽肚。餡料算多，羊肉鮮味，有少少羊羶先似食緊羊吖嘛。上海麵配酸辣湯最夾，酸辣湯幾多料，豆干，木耳，冬菇等，調味不錯，夠酸夠辣，麵條吸了湯好飽呀加左幾多價下…無法嘅，百物騰貴食主食加豆醬沒優惠，12杯細細的真係有點貴。