Video
Read full review
2019-01-06
638 views
星期六放下晝，就重遊舊地約返個舊同事仔食晏仔兼去香工行街。同事仔話當年幾乎個個星期去幫襯既「開花結果」搬左新舖重開，當然要去，睇下有無keep到水準先。新舖唔算遠，好易搵，地方大過舊舖好多！人手當然都多左，但依然要等位，不過都唔使等好耐。黎到最抵食一定係皇牌經典套餐，8款涵料、5款包，再加6款沙律任選兩款，自由拼砌，加埋飲品都只係$52！沙律仲要係大大份，並唔係大xx / 美x 果種雪糕球咁細份量。（上）香芒雞肉法包，菠蘿粟米蛋 + 什果沙律：芒果帶甜唔酸，雞肉滑，法包夠軟，仲好細心咁切成兩份。（下）蜜桃火雞香草包，吞拿魚火腿粟米 + 什果沙律：火雞本身無味，夾蜜桃食啱啱好，唔撞味，蜜桃又唔會「水滴滴」整濕個包。沙律依舊咁大份量，完全唔慳家，驚你食唔飽咁😂食到尾3款沙律都無出水，真係要贊！（左）凍香芋咖啡 / （右）熱柑桔蜜雖話凍，但黎到唔加冰，即原裝雪凍，所以飲幾耐都唔會飲到冰水味，不過夏天大熱天時，可能會覺得唔夠凍。黎到其實仲有意粉、湯麵、雞肶、游魚鬚等等小食，不過個皇牌套餐就最多人叫，唔係點叫皇牌。同舊同事仔邊食邊傾，講番起以前每逢有人請食tea，一定叫黎間，炸肶+沙律簡直無得彈
新舖唔算遠，好易搵，地方大過舊舖好多！人手當然都多左，但依然要等位，不過都唔使等好耐。
黎到最抵食一定係皇牌經典套餐，8款涵料、5款包，再加6款沙律任選兩款，自由拼砌，加埋飲品都只係$52！沙律仲要係大大份，並唔係大xx / 美x 果種雪糕球咁細份量。
皇牌經典套餐
$52
170 views
1 likes
0 comments
（上）香芒雞肉法包，菠蘿粟米蛋 + 什果沙律：芒果帶甜唔酸，雞肉滑，法包夠軟，仲好細心咁切成兩份。
（下）蜜桃火雞香草包，吞拿魚火腿粟米 + 什果沙律：火雞本身無味，夾蜜桃食啱啱好，唔撞味，蜜桃又唔會「水滴滴」整濕個包。
沙律依舊咁大份量，完全唔慳家，驚你食唔飽咁😂食到尾3款沙律都無出水，真係要贊！
香芋咖啡 柑桔蜜
84 views
0 likes
0 comments
（左）凍香芋咖啡 / （右）熱柑桔蜜
雖話凍，但黎到唔加冰，即原裝雪凍，所以飲幾耐都唔會飲到冰水味，不過夏天大熱天時，可能會覺得唔夠凍。
黎到其實仲有意粉、湯麵、雞肶、游魚鬚等等小食，不過個皇牌套餐就最多人叫，唔係點叫皇牌。
同舊同事仔邊食邊傾，講番起以前每逢有人請食tea，一定叫黎間，炸肶+沙律簡直無得彈，不過就叫10次，有8、9次都少不免漏野，可能當年我地叫得太狼死🤣依家我無機會試到佢既外賣下午茶喇，希望人手多左，唔會送漏野喇。
Post
