Video
Read full review
2018-07-23
3067 views
前排同朋友去左中環行街，後來行到去蘭桂芳附近既小區，嗰到有好多不同類型既餐廳。多數都係西餐廳同埋酒吧，我同朋友都想食啲西式料理，但一致唔想飲酒😂 後黎就去左呢間burger 店～我地行行下就被 Burger Bar 門外既餐牌所吸引。佢地有多款口味既burger，選擇好多樣化，實有一款符合大家既口味。👍🏼雖然呢間 Burger 唔係一間大型餐廳，但牆上掛滿左充滿歐美特色既油畫，亦有多長高枱，西方氣色濃厚，真係彷如置身於西方國家~~餐牌簡潔俐落，主食、小食、飲品甚至特色食品都包括在內。其實咁樣既餐牌正正係小店既特色，簡單就是美📝 坐落於中環呢啲遊客勝地，緊係要有中英對照既餐牌，方便外國遊客點餐啦 👍🏼自家製檸檬汁🍋 & 自家製檸檬紅茶☕️我同朋友都點左佢地自家製既檸檬汁同埋檸檬紅茶☕️ 飲落有濃郁既檸檬味，香氣撲鼻，感覺好健康開胃，而且清新解渴 🍊🍹紫菜薯條 $22薯條有好香濃既紫菜味，比平時食開既薯條更香脆，唔係淨係得薯香，仲有紫菜既香味，十分和味 🍟炸魷魚 🦑 $55呢道炸魷魚比我地想像中更好食，雖然係油炸，但唔覺得好油膩或者難以入口，反而充滿魷魚既香氣～再加上美味既蛋黃醬，真係香氣四溢
我地行行下就被 Burger Bar 門外既餐牌所吸引。佢地有多款口味既burger，選擇好多樣化，實有一款符合大家既口味。👍🏼
雖然呢間 Burger 唔係一間大型餐廳，但牆上掛滿左充滿歐美特色既油畫，亦有多長高枱，西方氣色濃厚，真係彷如置身於西方國家~~
餐牌簡潔俐落，主食、小食、飲品甚至特色食品都包括在內。其實咁樣既餐牌正正係小店既特色，簡單就是美📝 坐落於中環呢啲遊客勝地，緊係要有中英對照既餐牌，方便外國遊客點餐啦 👍🏼
自家製檸檬汁🍋 & 自家製檸檬紅茶☕️
我同朋友都點左佢地自家製既檸檬汁同埋檸檬紅茶☕️ 飲落有濃郁既檸檬味，香氣撲鼻，感覺好健康開胃，而且清新解渴 🍊🍹
紫菜薯條 $22
薯條有好香濃既紫菜味，比平時食開既薯條更香脆，唔係淨係得薯香，仲有紫菜既香味，十分和味 🍟
炸魷魚 🦑 $55
呢道炸魷魚比我地想像中更好食，雖然係油炸，但唔覺得好油膩或者難以入口，反而充滿魷魚既香氣～
再加上美味既蛋黃醬，真係香氣四溢。蛋黃醬一直都係我地既至愛 😍 大家黎到Burger bar 不妨試下呢道炸魷魚🦑 🤤
雞排漢堡 $85
等左冇幾耐，一個精緻既雞排漢堡登場 🍔 佢塊雞排好大好足料，味道仲好唔錯～ 雞肉一啲都唔老，睇到雞排既顏色都知佢好嫩滑。我相信有機會係精選最靚既部位黎整呢個漢堡🐥😋
雞排所配既醬汁亦都好香濃，而番茄🍅同蔬菜令個Burger 更清新，再加上因爲塊雞排唔係炸既，所以完全唔覺得油膩～👍🏼
巨大蘑菇牛肉漢堡 $128
再黎就係巨大烤菇牛堡，上面有一大塊菇，用醬汁黎調味，再焗到佢腍腍地好入味～ 菇既底下仲有一塊鮮牛肉、洋蔥、番茄同埋菜😋
咬開漢堡之後，不斷流出肉汁，仲有磨菇入面吸收既精華醬汁～咬落有多種層次，軟腍腍既菇，有嚼頭既牛肉，同埋爽口既洋蔥同生菜，再加上品嚐到淡淡既醬汁，我地都食得好滋味😋 菇同漢堡真係好夾！菇既香氣同牛肉既香味四溢，係一個絕佳既配搭～
我同朋友都好享受呢日既晚餐，野食好味之餘，服務員既態度都好親切。佢為我地提供左手套，仲有紙巾抹手，非常貼心☺
Post
