超羣麵包西餅 (富東廣場)

Open Now

Now Closed

公司有人想食蛋撻，但係又話唔想食樓下啲街坊麵包舖，指名要食超羣嘅蛋撻喎，如是者，就叫左返晏嘅同事飛的去買哈哈，辛苦哂，講到好似好正咁，十分期待。撘的士而買嘅蛋撻，黎到仲係微微溫，的確新鮮。$7一個，$66一打，價錢差咁多梗係買夠一打啦。拎上手，比一般蛋撻重身，蛋漿部份好深，批皮亦好厚先承托到啲蛋漿，雖然唔平，但份量補上。味道方面，唔知係咪期望太高，我覺得好一般，蛋漿係滑嘅，但無乜蛋香又唔甜，批皮厚實不鬆化，牛油味欠奉，講到咁正係咪名過於實？街坊麵包舖出品仲好味啲。間中過過口引係ok嘅，但唔使飛的去買囉。