美味餃子店 (Moved) New Location

已經唔記得係第幾次黎美味餃子店了。以前住大角咀，放工會過去買一碗先返屋企，但通常已經冇晒最好味嘅白菜餃。而家喺附近返工，lunch hour可以去食一碗，叫個白菜椰菜雙拼真係一大樂事! 鋪頭冇咩選擇，得三款餃子：白菜、韮菜、同埋椰菜木耳。做法一係跟湯一係煎，但兩隻做法都好好食！湯係真才實料煲嘅野葛菜魚湯，入口鮮味，但有時可能太多人，新熬好的湯未夠入味，建議過了午飯時間先去，湯會再濃再鮮味d。煎餃方面亦出色，兩邊煎得香脆，咬落亦十分juicy! 其實個人覺得成間鋪做得最出色的是那個自製的蒜蓉豆豉辣椒醬！ 不會過辣，屬於香辣那種，加少許豉油同醋，配上皮薄餡靚嘅餃子，每一口都是滿足! 至於堂食同服務，就不要期望過高，多數都要搭枱～搬左新鋪後，座位稍為闊落左。