Video
Read full review
2020-09-28
237 views
一行四人12點就入座，唔知係咪因為疫情關係控制成本，閒日黎幫襯成間鋪頭既燈只係開左好少部份，好暗（由開始入座到走果時都係）。入埸係收銀櫃檯已經要講嗌咩湯底，我地揀左Plan B 90分鐘。揀完湯底之後俾左張紙上面有QR CODE ，手機SCAN落ORDER嗌野食。然後叫我地自己行入去到盡窗口位果張？？？成間鋪頭得入口果個店員無人帶位，又係控制成本關係？最大問題係直入到盡果張檯係二人檯，又要走返出去問其實係邊張先再叫我地直入到盡之後轉右果張四人檯。都算，小問題。坐底之後湯底好快黎到，咁就scan qr code落order，點知落唔到order, 由於無其他店員既關係，又要走返出去問入口果位，佢話一陣過黎幫我地。最後佢解釋因為佢地電腦系統有問題，要拎我地部電話去俾佢地IT同事睇，佢就話叫廚房同事拎D野食俾我地先😂（佢無問過我地想食d咩，然後就黎左一碟牛板睷同兩碟豬肉片加其他三碟野食，最後我地因為另外果幾碟唔岩食就麻煩佢同事講返岩岩唔係我地order我地無落過筷子所以想佢地收返入廚房費事浪費）搞左15分鐘終於搞店可以用自己手機order, 咁當然嗌返d自己鍾意食既野啦。講返野食先，湯底揀左
入埸係收銀櫃檯已經要講嗌咩湯底，我地揀左Plan B 90分鐘。揀完湯底之後俾左張紙上面有QR CODE ，手機SCAN落ORDER嗌野食。然後叫我地自己行入去到盡窗口位果張？？？成間鋪頭得入口果個店員無人帶位，又係控制成本關係？最大問題係直入到盡果張檯係二人檯，又要走返出去問其實係邊張先再叫我地直入到盡之後轉右果張四人檯。都算，小問題。
坐底之後湯底好快黎到，咁就scan qr code落order，點知落唔到order, 由於無其他店員既關係，又要走返出去問入口果位，佢話一陣過黎幫我地。最後佢解釋因為佢地電腦系統有問題，要拎我地部電話去俾佢地IT同事睇，佢就話叫廚房同事拎D野食俾我地先😂（佢無問過我地想食d咩，然後就黎左一碟牛板睷同兩碟豬肉片加其他三碟野食，最後我地因為另外果幾碟唔岩食就麻煩佢同事講返岩岩唔係我地order我地無落過筷子所以想佢地收返入廚房費事浪費）
搞左15分鐘終於搞店可以用自己手機order, 咁當然嗌返d自己鍾意食既野啦。
講返野食先，湯底揀左潮汕湯底，煲入面見到有大地魚，成個湯好甜，用黎淥牛肉同海鮮真係好好味，加上我地放左好多蛙蛙菜落去，成個湯更加甜。
邊爐料質素唔錯，plan b 有三款牛肉，牛板腱有咬口肉味唔錯；封門柳比較淰但肉味最重，個人最鍾意呢款；最後一款安格斯牛就麻麻地。
D滑就正常水準，墨魚湯都彈牙重味，但好似食唔到有墨魚粒既口感。脆鮠骨腩就第一round 脆但第二round唔夠脆，不過都好食。餃類就食左韮菜餃同芹菜餃，兩款都足料唔會話好大塊皮入面無料。蝦都新鮮，而且會俾到足份量。唯一好意外既就係牛丸，食落好似本地振x果隻濃湯牛骨牛丸，好好食。但係嗌左4粒之後就落唔到order 😰隔離檯都係同樣情況，最後佢問左店員，店員話無哂貨😰岩岩開鋪唔夠一個鐘就....
至於漏單既情況都有，但唔算太嚴重，因為客人唔多所以佢上菜既速度都快，漏左既話可以再嗌過就會出現。
野飲方面都有四款冷泡茶，但唯一得洛神花茶叫好飲，另外三款都麻麻地。其他都係一般汽水紙包飲品果d.
佢電子系統會由你嗌湯底果一刻開始計時，60分鐘之後就唔可以再落order. 由於入座之後落唔到order搞左成15分鐘，店員最後都係60分鐘之後俾我地落多一轉order, 之但係因為都唔夠時間食，所以係大約1325果時有店員黎收走哂我地未落既料，話我地都就快夠鐘食唔哂架喇。😰😰😰
之前幫襯過一鍋堂旺角分店，果間分店既裝修比荃灣呢間好好多，乾淨又光猛，服務更加好好多。 荃灣呢間分店感覺上唔係太明白點解會咁full😅
Post