金凡潮汕菜

Open Now

Now Closed

前日食中餐先講起，邊到有好嘅咕嚕肉食，即刻諗起呢間金凡潮州菜。認識嘅原因因為有個朋友post左啲好靚嘅相，然後覺得呢間野幾有趣，一於試個lunch。未食先有個湯送。當然打卡力量太強，或者lunch嘅關係，我無諗過佢係一個簡單嘅潮州菜館，還以為係勁貴嘅餐廳。午餐員工大推呢到嘅魚翅撈飯，當日見大部分嘅客都有點，可能係佢sell得好定係真係咁正？熱辣辣的鍋上場，個魚翅以呢個價錢來講，算係合格，有個白飯俾你送，翅的份量還算多，當然你唔好期待係勁靚嘅貨色。加$30可選配一款即炒迷你小菜，當然要食咕嚕肉，呢個菜式的確好出色，而且係令人難以忘懷的味道，外面很脆個咕嚕汁又做得很開胃同吸引。係椒鹽骨，鮮茄牛肉炒鷄蛋同蔥爆豆豉雞之間選了最惹味又唔熱氣的，蔥爆鑊氣夠，不過雞件都係有骨的位，看看你會唔會喜歡。熱飲仲要免費，如果要汽水加凍飲加$3，$118一個lunch咁豐富，尖沙咀附近工作又或者係呢頭行街，食餐lunch都幾好。