Video
Read full review
2020-05-06
340 views
位於灣仔既笑林寺 環境闊落 富空間感 裝橫古色古香 木製枱凳 中式瓷器 配上西式咖啡意粉 中西合璧 幾有韻味 連菜式名都好有心思！旁邊仲有個書架 放滿射雕英雄傳天龍八部 作為金庸嘅小粉絲 真係好想係到坐返成日 睇返晒金庸既作品晏就嚟到有Lunch Menu 包一杯$32黑咖啡 補返差價就可以轉做其他飲品 加$19仲有埋daily dessert▪️黃金堅壁 $95不過呢個就唔係lunch set黃金堅壁其實係西多士 賣相夠晒黃金 可能係放得耐左嘅關係 吐司邊邊位已經唔太香脆 亦有小小油膩 好鍾意佢既焦糖香蕉 焦糖薄薄一片好脆身 配上煙肉吐司 甜甜鹹鹹 旁邊仲有沾上醋既沙律菜 中和返小小油膩感▪️桃花島 $95Sour cream spaghetti 賣相好特別 食落份量比想像中大 意粉軟硬適中 每一條都沾滿酸忌廉 醬汁濃稠creamy 味道帶酸 個人就唔係特別鍾意呢個口味 煙肉略嫌煎得唔夠香 煙三文魚幾大塊 唔會太腥 但煙熏味偏淡 ▪️九陰白骨瓜 +$12個名夠晒型 Mocha入口順滑無粉末 朱古力同咖啡嘅比例 拿捏得啱啱好 互不搶風頭 咖啡香醇 甜度唔會太高 重點佢個拉花真
旁邊仲有個書架 放滿射雕英雄傳天龍八部 作為金庸嘅小粉絲 真係好想係到坐返成日 睇返晒金庸既作品
晏就嚟到有Lunch Menu 包一杯$32黑咖啡 補返差價就可以轉做其他飲品 加$19仲有埋daily dessert
▪️黃金堅壁 $95
不過呢個就唔係lunch set
黃金堅壁其實係西多士 賣相夠晒黃金 可能係放得耐左嘅關係 吐司邊邊位已經唔太香脆 亦有小小油膩 好鍾意佢既焦糖香蕉 焦糖薄薄一片好脆身 配上煙肉吐司 甜甜鹹鹹 旁邊仲有沾上醋既沙律菜 中和返小小油膩感
▪️桃花島 $95
Sour cream spaghetti 賣相好特別 食落份量比想像中大 意粉軟硬適中 每一條都沾滿酸忌廉 醬汁濃稠creamy 味道帶酸 個人就唔係特別鍾意呢個口味 煙肉略嫌煎得唔夠香 煙三文魚幾大塊 唔會太腥 但煙熏味偏淡
▪️九陰白骨瓜 +$12
個名夠晒型 Mocha入口順滑無粉末 朱古力同咖啡嘅比例 拿捏得啱啱好 互不搶風頭 咖啡香醇 甜度唔會太高 重點佢個拉花真係好勁 keep到超耐！
▪️Dark rum cheesecake +$19
呢個daily dessert真係有少少令人失望 cheesecake中有少量提子乾 冧酒味唔太重 蛋糕質地頗滑但唔太軟綿 芝士味唔算特別濃郁 餅底偏硬 只帶微微酥脆
整體而言 食物價錢份量合理 環境闊落 好岩HEA下CHILL下 會係我想再去既cafe
Post
