金牌小龍 (Closed)

閒日放工出左尖沙咀行下搵食，見到呢間係isquare 既金牌小龍門面四正，價錢又合理就同朋友入去試試。首先叫左個黃金蛋，係流心既蛋呀😍仲有黑松露係中間，非常香同好配合蛋黃既蛋香，大推😆叫得金牌小龍梗係要叫返個小籠包，好正宗😋三杯雞原個煲上，打開蓋已經聞到香氣，雞肉份量都唔少，而且應該只用嫩滑的雞腿肉，食落非常惹味。入面仲落左唔少九層塔，可以中和返雞肉的油膩。紅燒牛肉麵湯底好深色，但飲落唔肥膩，只有温醇的香料味。牛𦟌肉煮得好腍，而且冇筋，同其他餐廳的牛肉有少少分別，見到都有唔少人食。豬手都係招牌，煮到好軟好重膠質。但加左價要16蚊一舊🙈