喫茶ちょうぼ

Open Now

Now Closed

OPENRICE見到呢間日式西餐咁多好評，心郁郁試下，點知一入到黎，一連串既不愉快事情就開始…首先，除左卡位之外，餐廳座位與座位之間非常狹窄，分開左條手掌咁濶既位當兩人枱，基本上同隔離枱一齊食係無分別，佢地既對話聽到一清二楚。再者，侍應態度極度惡劣，一坐低擺低本MENU 就走左，水又無，枱面上手食剩既殘渣仲未抹乾淨，又油笠笠咁照擺餐具到落ORDER，其中一個男侍應特別無禮貌，明明見到你叫佢，四目交投，都可以當自己望唔到你，感覺已經唔太helpful。雖然唔係咩高檔野，都唔期望服務好似五星級酒店咁，但係至少都唔想食到一肚氣。到食物黎左，野都無講過一句，就即刻𠝹開左我個蛋包飯，見其他食客上碟既時候，其他侍應都問下個客要唔要影張相先切，呢D打卡餐廳唔但求食物美味，只要合格水平，服務唔惡劣，就已經食得滿意但係我連食物打卡既機會都無，遇上呢個侍應招呼我簡直係不幸…至於食物質素，蛋包飯既蛋完全無蛋味，個炒飯底又無味，成碟飯得D牛肉擔起個味道…賣相係幾靚，但味道非常一般。如果時間能夠倒流，我唔會再行入呢間餐廳到…因為無論食物，服務同體驗都令我印象好差！真係一試難忘！