Odelice! (新城市廣場一期)

Open Now

Now Closed

呢兩年新城市廣場6/7樓有好多新餐廳，但係新係咪一定好呢？ 新城市廣場6樓嘅Odelice主打法式西餐，裝條幾光鮮，但係燈光方面有嘅尷尬，highkey不成，lowkey不就，一係就提升整體亮度，一係就整體暗少少。 試左個set for 2，收呢個價錢，整體黎講只有個湯同麵包合格。 🌕🌕🌕🌕🌑餐湯：唔記得係咩忌廉湯，係幾好飲嘅 🌕🌕🌕🌕🌑小法包：配埋個牛油，呢個包都幾好食 🌕🌕🌕🌑🌑香煎帶子：外層唔夠焦糖化，有雪味又出曬水咁（唔係多汁嗰隻） 🌕🌕🌕🌑🌑法國油封鴨腿：感覺似係罐頭野，整返熱再加個汁。露筍柴皮好多渣。 🌕🌕🌑🌑🌑紅酒燉牛面頰：除左稔之外，完全唔入味，成舊野無乜味，茶餐廳牛腩飯啲牛腩仲好食過佢 🌕🌕🌕🌑🌑火焰橙酒可麗餅：我知橙酒係有少少苦，但係都真係唔係少少苦咁簡單 擺盤係幾靚，但係味道真係好普通。環境幾乾淨，同埋食擺盤黎講都ok嘅。