爺爺雞飯 (金百利中心) (Closed)

平時都比較少去金百利食飯，今次同事帶我嚟，有意外驚喜😎😎呢間餐廳光鮮整潔，而且座位舒適，整體感覺都好舒服。餐牌食物選擇都算幾多，除咗海南雞飯之外，仲有一啲東南亞風味嘅食物選擇。最特別嘅地方係，海南雞飯都可以雙拼！可以揀選肉骨茶，或者叻沙等等，貪心的人有福了😆😆我叫咗海南雞飯同埋肉骨茶嘅雙拼，如果一個人食嘅話，分分鐘食唔晒！海南雞份量都幾多，一啲都唔肥，就連雞皮都好好食！雞肉幼嫩，可以點三款唔同嘅醬汁，送飯一流！碗油飯都好大碗，好香，但食落又唔會太油膩👍🏼至於肉骨茶，都幾好飲，配料亦都非常多，淨係豬骨都有兩大舊，好多肉，都幾好食😋😋咖央多士好好食！多士非常香脆，厚厚既咖央加埋牛油，味道甜得來又好香，配奶茶咖啡真係冇得頂！馬來亞沙嗲串燒個沙嗲醬汁非常香濃，令到串燒更加惹味，啖啖肉，冇乜肥膏，唔錯唔錯。同冰凍嘅泰式奶茶都好夾😎😎