金船長餐廳 (Closed)

朋友住在附近，由於要遷就佢既關係，選擇左呢區食晚餐。呢間老牌餐廳係呢度算係比較有名，所以就試下佢地既食物。餐湯係海鮮湯，佢既材料好足呀，樣樣有d，配埋份蒜蓉包用黎開胃係唔錯。而頭盤就係法國田螺，主要用香草黎焗，香草焗令田螺既草青味完全除去，田螺肉好爽，好有田園味道，加上法包配黎食係頗有歐陸情懷。主菜係食泰國虎蝦帆立貝配天使麵。虎蝦相當新鮮，肉質爽滑係由於煮既時間剛剛好。帆立貝就唔鞋口，而且差不多手掌心咁大，係幾抵食。而天使麵滲透了蝦肉汁，海鮮鮮甜味道停留舌頭尖上，令我好似在船上享受海鮮美食一樣。