滷友記 (華都中心)

Open Now

Now Closed

地鐵站附近連環商場內嘅小店，滷水出名，我就鍾意佢可以揀餸，類似車仔麵咁~🔘鹵水金錢展麵見網上好多人話呢度嘅金錢展好正，第一次食果然好有驚喜，肉中帶筋，燜煮到非常軟腍入味，偷食咗朋友一嚿，覺得好好味，胡椒湯好暖胃啱冬天飲，麵底偏粗身有咬口~🔘自選四拼麵每款餸都非常足料，滷水湯底夠香有少少藥材味道，陳皮魚蛋每次必點貪佢夠彈牙，金錢肚同埋豆腐滷得夠入味，都非常推介，豬大腸稍嫌肥咗少少~🔘凍咖啡🔘名屋木瓜牛奶跟餐飲品可以揀台灣罐裝飲品，想念台灣夜市嘅木瓜牛奶，呢款味道可以頂住先~P.S. 記得佢個蕃茄湯底幾好味，今日寫住售罄，希望遲啲會再出返啦