白鮨 (Moved) New Location

呢次唔係我第一次嚟呢間日式餐廳，只係我次次都忍唔住叫同一午餐 - 特上壽司定食。今次嚟之前已經同自己講，要試下其他，而且感冒未癒應該叫熟食。可惜打開餐牌後，對眼仍然放左响刺身魚生嗰頁，始終難忘其新鮮魚生嘅美味，最後都係叫左生嘢 - 普通壽司定食(沒有重覆特上壽司定食，算有突破啦)。結果冇讓我失望，魚生一樣新鮮丶好味，只係數量比特上少兩件，壽司食材沒有特上嗰啲咁高啫。我哋三個人只有其中一個餐包雪糕，服務生送上雪糕時，差點把另一枱雪糕比埋我哋(咁啱有三杯)，我哋坦白只有一杯，後來該服務生把雪糕送完比正確客人後，回來話請我哋食雪糕，好識做，扺讚。最後，朋友仲請我食呢餐，好幸福！