Video
Read full review
2024-09-07
946 views
呢間餐廳位於金鐘太古廣場，真係好正！佢哋嘅Auntie AYI 意旨以前嘅馬姐，所以佢哋嘅logo都係用咗馬姐，餐廳裝修好典雅，有一種好高級嘅感覺，頭盤係子紫蝦多士，魚子醬，紫蘇葉，嘩，蝦肉鮮甜，魚子醬鹹香，配埋紫蘇葉，真係好開胃！仲有芝麻雞撈起，呢個係用咗佢哋嘅招牌雞所做嘅雞絲，份量有半隻，雞肉嫩滑，雞皮上嘅芝麻香到爆，而佢哋仲加入多款配料，同埋會齊將配料撈勻撈起，有吉祥好運嘅寓意。蘇杭蟹釀橙：蟹粉鮮甜，有好濃郁嘅蟹味，橙肉嘅酸甜，同蟹粉真係好夾！脆脆米湯泡東星，用脆米代替粉麵，配埋名貴嘅東星斑，鮮甜無比，脆米吸收哂魚肉嘅鮮甜！20年陳花雕西澳龍蝦蒸蛋，用珍貴嘅陳年花雕酒，再用西澳嘅龍蝦，龍蝦肉質彈牙鮮甜，而蒸蛋滑到不得了！最後仲有滋味全鵝煲，鵝肉煮得好入味，仲有其他鵝嘅部位，鵝肝、鵝腎、鵝血等，而湯汁好濃郁，真係口水都流埋！主食方面，窩蛋沙爹和牛煲仔飯，和牛配上惹味沙爹醬，再加個香滑嘅窩蛋，煲仔飯仲有香脆嘅飯焦，口感好豐富！Auntie AYI 炒飯伴脆炸鬼，炒飯好香好乾身，油炸鬼又脆又香，好有特色！陝西油潑麵伴黑毛豬叉燒，麵條好彈牙，配埋黑毛豬叉燒，仲帶有小小辣嘅醬汁，真係好正好
蘇杭蟹釀橙：蟹粉鮮甜，有好濃郁嘅蟹味，橙肉嘅酸甜，同蟹粉真係好夾！脆脆米湯泡東星，用脆米代替粉麵，配埋名貴嘅東星斑，鮮甜無比，脆米吸收哂魚肉嘅鮮甜！20年陳花雕西澳龍蝦蒸蛋，用珍貴嘅陳年花雕酒，再用西澳嘅龍蝦，龍蝦肉質彈牙鮮甜，而蒸蛋滑到不得了！最後仲有滋味全鵝煲，鵝肉煮得好入味，仲有其他鵝嘅部位，鵝肝、鵝腎、鵝血等，而湯汁好濃郁，真係口水都流埋！
主食方面，窩蛋沙爹和牛煲仔飯，和牛配上惹味沙爹醬，再加個香滑嘅窩蛋，煲仔飯仲有香脆嘅飯焦，口感好豐富！Auntie AYI 炒飯伴脆炸鬼，炒飯好香好乾身，油炸鬼又脆又香，好有特色！陝西油潑麵伴黑毛豬叉燒，麵條好彈牙，配埋黑毛豬叉燒，仲帶有小小辣嘅醬汁，真係好正好惹味！
最後甜品，港式雞蛋仔伴雪糕，雞蛋仔蛋香味濃，雪糕香甜清涼，真係好正！雪糕薩琪瑪，薩琪瑪口感鬆化配香甜嘅雪糕，口感好特別！家庭裝雪糕涼粉新地，涼粉口感Q彈，雪糕好清涼，係消暑恩物！
Post
