老上海飯店 (Moved) New Location

一入到去就知道無去錯地方啦，店鋪既裝修、枱枱椅椅同餐牌餐具，全部都好有「老上海味道」。張套餐餐單粉紅色，用豪邁字體宗出菜名。好老實，我地成枱人無人睇得明，後尾先知原來佢用括號劃分….暑返粗少少條線或者會好點。淨係個配菜已經嬴左啦，個蘿蔔好好味，爽脆美味。素食部份真係好出色，同事們都話原來素可以咁好食。素鵝唔係出面煎到脆曬果種，但反而係更多水份同埋易送飯。另外冬菇烤夫都好味，既唔係太油但係又好夠味！銀絲卷真係好好味呀，大大條仲有兩款：一款係脆炸一款係蒸。原本成件事都好美好，但最敗筆係「無！煉！奶！點！」問左職員，原來佢地一向都係無煉奶提供。咁究竟係上海正宗食法係本身無煉奶定係鋪頭本身無就不得而知啦，但係只知道香港人一定會想點煉奶啦囉。菜飯亦都係傳統上海菜中不可缺少的一環。老上海的菜飯就咁睇個色水已經知道佢夠曨入味啦，唔單止菜粒有色、連飯粒都染埋淡淡的菜色。菜粒可以做到「淋而不爛」實在考功夫。不得不提係個蝦球，雖然蝦仔好似好細隻，但粒粒炒得晶瑩彈牙。