Fûhn (The L. Square) (Closed)

今日同朋友去開銅鑼灣行街，行到攰攰地上左L square既Fuhn食個越式下午茶。主菜點左豬頸肉湯粉同香茅豬扒太陽蛋飯。豬頸肉加左蔥油好香，而且煎既火候剛好，烘邊得黎又唔會太乾。麵既湯底係豬骨湯，唔會太咸。香茅豬扒都唔錯，咬落仲有肉汁，而且肉質都幾嫩。小食仲點左鮮蝦米紙卷：大家見到真材實料，好多料，一咬啲餡多到跌出黎，而且鮮蝦都大隻，無雪味。水牛城雞翼: 醬汁好惹味，少少辣，雞翼都好大隻！咸蛋黃薯條：咸蛋黃均勻分佈每條薯條，夠晒香又唔太咸，愈食愈停唔到口。