Fûhn (The L. Square) (Closed)

收工搵間樓上越菜, 簡簡單單食一餐。呢度嘅特色之一就係客人可以因應自己食量, 選擇麵底分量。好似我咁...一個人, Regular就夠曬啦。麵未到,先嚟一大杯新鮮香草。食咗咁多次越南嘢都唔認識呢堆香草? 店主好有心思, 圖文並茂俾你邊等邊學嘢主角到啦!! 呢個撈檬一D都唔簡單唔單止豬頸肉多, 配料都好足, 有幾種香草碎、沙律菜、花生碎, 仲有正宗撈檬必備嘅炸香蔥同蔥油!!! 唔好睇少呢啲配料, 有咗佢地, 成個粉食起嚟更香, 更有層次, 少一樣就是不一樣。豬頸肉煎到金黃色, 油香四溢, 食落脆身, 有彈性。成個粉嘅靈魂, 就係呢個 Nuoc Cham。Nuoc Cham主要成份有魚露、砂糖、水、青檸汁, 每個廚師都有佢自己心目中嘅黃金比例, 而呢度嘅Nuoc Cham就好啱我口味, 甜酸度平衡再帶點魚露嘅鮮味, 令成個粉食落開胃惹味。