汐

Open Now

Now Closed

平時鍾意喺銅鑼灣覓食，發現百樂中心新開咗呢間日本菜，於是平日晚上過嚟試吓。🥘牛肉壽喜燒丼飯$118 ：牛肉汁調較出色，牛肉亦唔會燒得好老，仲有大約5至6塊，唔好睇佢細細碗，都幾飽肚。🎏原條蒲燒鰻魚$128 ：鰻魚燒得恰到好處，鰻魚冇骨，配搭木魚及滑蛋，整體不錯。🥟餃子大阪燒$22/3隻：皮脆肉嫩，配合餃子汁味道不錯。🍗手羽明太子雞翼$22 /1隻：明太子有少少辣，比較啱食辣嘅人，雞翼塞滿雞肉，鮮嫩多汁，但略嫌燒得比較乾身。🍤吉列炸蝦餅$22 /2隻：有驚喜，蝦肉非常彈牙，亦炸得香脆可口冇燶邊。另外餐廳而家只需50分鐘內交枱（上晒主菜後先至開始計算），會有75折，所以今餐兩個人埋單連埋加一，大約200幾蚊。