星海薈 (利舞臺廣場)

Open Now

Now Closed

今日去咗銅鑼灣利舞臺星海．星海薈同屋企人飲下午茶，平日下午去酒樓比較少人，坐得舒服啲，服務員服務當然更好。酒樓屬於長方形擺位，有一個很大的台，仲有一條長樓梯可以影相，好適合結婚擺酒。化皮腩仔$108，個皮脆到好似薯片咁，肉又半肥瘦好嫩滑，屋企人話好好食，仲話應該用假牙都食到。鮮淮山蟹柳棉花雞，有好巨型嘅棉花，雞又好嫩，仲有大大條蟹柳，非常足料。芝士蝦球焗伊麵，非常多芝士，新鮮蝦球又好大隻，配上新鮮洋蔥甜椒夠晒鮮甜，仲好大碟。水晶鮮蝦菠菜餃，點心即叫即蒸，特別好食😋甜品嚟返一個熱生磨蛋白杏仁茶，好香杏仁味，滿足一下另一個胃。