Video
Read full review
2021-12-13
2164 views
銅鑼灣人氣日式燒肉🥩@yakiniku.futago_cwb 本店係由一對日藉韓裔孖生兄弟喺東京開設嘅燒肉店，銅鑼灣店進駐香港已達七年，人氣依然旺盛！佢哋長期full booking，大家如果想試就要早啲打去，或者好似我哋5點幾走去walk in都會有機會有位🤣🤣銅鑼灣分店環境闊落，店員態度友善親切，食物質素仲幾好𠻹！🤤—牛舌盛 ($168)包括有厚切牛舌、上等牛舌、香蔥牛舌、鑽石牛舌👅口感方面厚切同上等牛舌相若，同樣腍得嚟個邊邊位會有咬口，但係香葱牛舌就被蔥味掩蓋，唔太食得出肉味。而鑽石牛舌原來就係將牛舌表面𠝹出花紋，味道口感不過不失。—Futago 內臟盛 ($128)除咗平日成日見嘅大腸小腸外，內臟盛仲會有埋牛頰肉同牛胃！食大小腸令我諗返起以前韓國讀書嘅日子😚脂肪位十分香口，但係整體口感略嫌太靭，韓國烤腸真係世一！要特別講下牛頰肉，未食之前會以為好韌好多筋，點知食落都幾腍，未食過嘅朋友可以order試下。另外牛胃爽脆，不過就唔啱我口味了~—一本壺漬牛肋條 ($148)呢個十分推薦🤩🤤醃料入味，肉質軟腍，滿滿肉汁，加上牛肉大小剪得適宜，啱啱好一啖嘅size，食得好滿足！不過都要歸功
@yakiniku.futago_cwb 本店係由一對日藉韓裔孖生兄弟喺東京開設嘅燒肉店，銅鑼灣店進駐香港已達七年，人氣依然旺盛！佢哋長期full booking，大家如果想試就要早啲打去，或者好似我哋5點幾走去walk in都會有機會有位🤣🤣銅鑼灣分店環境闊落，店員態度友善親切，食物質素仲幾好𠻹！🤤
—
牛舌盛 ($168)
包括有厚切牛舌、上等牛舌、香蔥牛舌、鑽石牛舌👅口感方面厚切同上等牛舌相若，同樣腍得嚟個邊邊位會有咬口，但係香葱牛舌就被蔥味掩蓋，唔太食得出肉味。而鑽石牛舌原來就係將牛舌表面𠝹出花紋，味道口感不過不失。
—
Futago 內臟盛 ($128)
除咗平日成日見嘅大腸小腸外，內臟盛仲會有埋牛頰肉同牛胃！食大小腸令我諗返起以前韓國讀書嘅日子😚脂肪位十分香口，但係整體口感略嫌太靭，韓國烤腸真係世一！要特別講下牛頰肉，未食之前會以為好韌好多筋，點知食落都幾腍，未食過嘅朋友可以order試下。另外牛胃爽脆，不過就唔啱我口味了~
—
一本壺漬牛肋條 ($148)
呢個十分推薦🤩🤤醃料入味，肉質軟腍，滿滿肉汁，加上牛肉大小剪得適宜，啱啱好一啖嘅size，食得好滿足！不過都要歸功於同行友人嘅燒肉功力，唔會overcooked🤣隨壺會附送一碟醃製過嘅葱，但葱味太強勁，所以會較推薦原舊肉咁食😚
—
海膽黑松露玉子飯 ($98)
就咁睇個名就知碗飯唔會出錯🤣集合咗普羅大眾鍾意嘅食材，不過味道就係大家會想像到嘅味道，好食但冇特別~不過海膽比起我早兩日去食Omakase嘅海膽嚟得鮮甜，遲啲會出post講下間Omakase🤮
—
名物！一口冷麵 ($38)
本身只係見到店內牆身有痴水冷麵poster，隨口同友人提起韓國人食完燒肉會習慣嗌多碗水冷麵嚟refresh下個口，之後佢就話嗌嚟試下，點知發現原來真係非常refreshing又清爽🤣🤣仲決定order多一碗，燒完肉啪返碗冷麵當堂cool down咗個口，感覺冇咁熱氣肥膩𠻹🤪
—
當日其實仲有嗌到牛胸腹同壺漬五花腩，同樣都係above average😚店員好熟手地幫手燒，仲排得好靚仔整齊~不過其實店員會主動幫手燒，只係我哋除咗牛舌同五花腩外，其他肉都要求返自己燒，一樣香口得嚟又鎖住到肉汁🤤係會encore嘅燒肉店！
—
Futago HK大阪燒肉
銅鑼灣恩平道28號利園二期地下LG01號舖
Tel: 2898 7707
分店
尖沙咀棉登徑8號地下14-16號舖
Tel: 2374 1038
一本壺漬牛肋條
$148
78 views
0 likes
0 comments
名物！一口冷麵
$38
46 views
0 likes
0 comments
Post
