Umi

Open Now

Now Closed

最近搵左日來銅鑼灣呢間新開嘅餐廳食Lunch📍餐廳係一棟近海嘅大廈樓上，可以望到灣仔海景，環境寬敞明亮✨🌊佢地嘅炸軟殼蟹咖喱蛋包意大利飯係好多人推薦嘅菜式⭐️軟殼蟹脆口，咖喱蛋包飯裡面唔係普通白飯，而係忌廉蘑菇意大利飯，咖喱同忌廉蘑菇汁兩種醬汁嘅配搭，令到味道更豐富！🥹😋北海道帶子明太子意粉嘅帶子大粒彈牙😆，除左帶子外仲有蟹柳，明太子粒粒分明，每條意粉都沾滿明太子，奶油味香濃，每啖都好creamy😝我地仲額外每個Set+$28配飲品同芒果乳酪🥭。檸檬特飲裡面有新鮮檸檬外仲有乾橙，好Fresh又開胃，o岩曬夏天🍋！芒果乳酪賣相幾精緻，甜酸適中嘅乳酪裡面有埋脆米同果乾，飯後消膩好適合！🍧