Video
Read full review
2024-01-21
990 views
［明廚] 位於銅鑼灣鵝頸橋底的優質中菜館，之前在旺角已經食過，一直對佢哋嘅奄仔蟹和筍殼魚念念不忘，銅鑼灣這一間剛剛新開張不久，地方更大裝潢更高級，又多咗好多新菜式，主打世界各地不同品種嘅野生海鮮，再用自家創製嘅烹調方法，令食客感受到與別不同👍🏻👍🏻招牌菜油鹽焗香港火焰奄仔蟹、廿年陳釀醉奄仔蟹、油浸野生筍殼魚、涼拌花甲王、鹽焗野生泰國大花螺，三重芝士焗南澳龍假炒飯、即炸山楂咕噜肉、馬友鹹魚煎肉餅和巧製燉湯等等都係必食推介，鍾意食海鮮嘅朋友一定要黎試吓😋🦀▪️廿年陳釀醉奄仔蟹 $ 588一上枱已經聞到花雕香醇到不得了，奄仔蟹非常入味，淡淡酒香，蟹膏部份好澎湃，味道甘香綿滑，入口即化，每一口蟹肉和蟹膏都被酒香包圍，人間美食🐠▪️野生油浸筍殼魚 $ 438呢度嘅主打招牌菜，筍殼魚非常大條，經油炸之後外皮超級酥脆，香脆到連骨都可以食埋，而且一啲都唔油，肉質更加非常精彩，好細滑，加上香蔥，薑和店舖自家製嘅魚豉油一齊食，尤如食緊蒸魚嘅口感，必食推介🐖▪️即炸山楂咕嚕肉 $ 138咕嚕肉外脆內軟，肉質半肥瘦啖啖肉，爽口又彈牙，山楂酸甜汁調味恰到好處，伴上新鮮紅洋蔥，菠蘿，青椒，清甜爽脆，非常高水準👍🏻👍🏻🌟
招牌菜油鹽焗香港火焰奄仔蟹、廿年陳釀醉奄仔蟹、油浸野生筍殼魚、涼拌花甲王、鹽焗野生泰國大花螺，三重芝士焗南澳龍假炒飯、即炸山楂咕噜肉、馬友鹹魚煎肉餅和巧製燉湯等等都係必食推介，鍾意食海鮮嘅朋友一定要黎試吓😋
🦀▪️廿年陳釀醉奄仔蟹 $ 588
一上枱已經聞到花雕香醇到不得了，奄仔蟹非常入味，淡淡酒香，蟹膏部份好澎湃，味道甘香綿滑，入口即化，每一口蟹肉和蟹膏都被酒香包圍，人間美食
🐠▪️野生油浸筍殼魚 $ 438
呢度嘅主打招牌菜，筍殼魚非常大條，經油炸之後外皮超級酥脆，香脆到連骨都可以食埋，而且一啲都唔油，肉質更加非常精彩，好細滑，加上香蔥，薑和店舖自家製嘅魚豉油一齊食，尤如食緊蒸魚嘅口感，必食推介
🐖▪️即炸山楂咕嚕肉 $ 138
咕嚕肉外脆內軟，肉質半肥瘦啖啖肉，爽口又彈牙，山楂酸甜汁調味恰到好處，伴上新鮮紅洋蔥，菠蘿，青椒，清甜爽脆，非常高水準👍🏻👍🏻
🌟▪️涼拌花甲 $ 198
花甲超級大隻和優質，伴上自家秘製泰式香辣醬汁，辣椒、芫荽、香葱、蒜頭、青檸、令花甲皇好入味，味道鮮甜香辣又惹味
🥬▪️雞油炒豆苗 $ 128
現在最時令嘅蔬菜就係豆苗，非常簡單只用雞油爆炒和鹽調味，豆苗入口嫩滑柔潤，有一股雞油嘅甘香
🍲▪️松茸花膠燉雞 x 2 $ 176
巧製燉湯必點推薦，首先份量超大盅，非常足料，有大大件的花膠、鮮雞、瘦肉和松茸清燉而成，入口就是濃郁的松茸香味然後就是滿滿的清甜雞湯，飲完就是滋潤和溫暖
Post
