拉麵凪 (Closed)

喺Instagram見到人哋介紹，即刻走來試吓。其實間鋪有少少難搵，以為佢喺大街嗰邊，行咗成條街都搵唔到，原來係要轉入條細路入邊。個舖頭名我都唔識讀，店裏面地方細細，同其他連鎖拉麵店冇得比，但係勝在店員十分親切，用日文歡迎你之後，係你坐低咗之後主動問你要唔要介紹吓餐牌。不過個餐牌都好簡單，四種唔同湯底，豚骨就係原味，黑骨就係黑蒜油，赤骨就係辣味，綠骨就係加咗青醬。不過好熱情嘅店員仲同我詳細介紹左張點餐紙，其實大部份內容如果食開拉麵都會知點解，不過最有用果句就係話俾我聽碗麵淨係會跟木耳絲冇蛋冇紫菜，要另外加。碗麵上菜都顯出店員嘅熱情，擺低咗之後會再介紹吓碗麵上邊嗰舊黑色嘅嘢係豬肉碎，話俾我聽撈勻佢哋嚟食就得。係我最鍾意嘅濃郁湯底，但又未到一田家嗰隻有啲黏口嘅口感，都叫適中。拉麵係直伸幼面，都十分掛湯，幾好食。份量方便算係標準一人份量，大食少少既男性可能要加多個麵。本人都幾鍾意食唐揚炸雞同埋餃子，今次嗌左炸雞， $42得三粒其實唔係好抵，不過炸得幾好食又Juicy。食得出佢嘅醃料裏邊應該有柚子，都幾清新。另外值得一提嘅就係佢哋因為新開鋪，仲未可以收信用卡，只收現金，店員話佢哋向不同公司申請