Video
Read full review
2022-07-27
2951 views
上個星期去咗銅鑼灣食順德私房菜，個環境超正落地玻璃一邊就居高臨下望住銅鑼灣鬧市車水馬龍同個海，另一邊係望住跑馬地馬場全景， 景觀好Grand好舒服😌環境咁正，咁嘢食方面又點樣先？其實佢menu都幾多嘢食，睇到我哋眼花撩亂，樣樣都想食😆最後我同朋友揀咗一啲特式菜色同埋一啲順德嘅名菜，好似好正咁😜前菜先上個麻辣羊肚耳，本身我唔清楚羊肚耳係乜嘢，原來係其中一種類似雪耳嘅菌類，顏色都係白白黃黃，不過口感就似雲耳，佢嘅麻辣做得好好👍一入口就有爽，麻，辣，香，我特別喜歡d蒜蓉味及芫茜香味！即刻開晒胃，準備大開食界啦😋跟住再上小食鮮蟹肉金錢炸蟹盒🦀，講真呢個我幾期待嘅，佢上到嚟嘅時候啱啱炸起仲熱辣辣，一啖咬落去仲辣嘴㗎，切開中間真係滿滿嘅鮮蟹肉，食落去每一口都係鮮甜嘅蟹肉，仲有馬蹄同松子，口感豐富啊！啱晒我啖啖蟹肉😜即刻聯想到喺廚房嘅師傅好俾心機咁樣拆啲蟹肉出嚟再釀入去再炸，真係巧手手工菜，而且個蟹盒外皮唔會炸太乾，亦唔會有大浸油益味，外面香脆乾爽，入面鮮甜爽口，好味好味😋再嚟黑毛豬豚肉生菜包🥙，有別於一般泰式嘅生菜包，佢用上黑毛豬豚肉，而且會預先醃咗再炒成肉粒，肉粒入口好嫩😍，有別於平時食生菜包啲
環境咁正，咁嘢食方面又點樣先？其實佢menu都幾多嘢食，睇到我哋眼花撩亂，樣樣都想食😆最後我同朋友揀咗一啲特式菜色同埋一啲順德嘅名菜，好似好正咁😜
前菜先上個麻辣羊肚耳，本身我唔清楚羊肚耳係乜嘢，原來係其中一種類似雪耳嘅菌類，顏色都係白白黃黃，不過口感就似雲耳，佢嘅麻辣做得好好👍一入口就有爽，麻，辣，香，我特別喜歡d蒜蓉味及芫茜香味！即刻開晒胃，準備大開食界啦😋
跟住再上小食鮮蟹肉金錢炸蟹盒🦀，講真呢個我幾期待嘅，佢上到嚟嘅時候啱啱炸起仲熱辣辣，一啖咬落去仲辣嘴㗎，切開中間真係滿滿嘅鮮蟹肉，食落去每一口都係鮮甜嘅蟹肉，仲有馬蹄同松子，口感豐富啊！啱晒我啖啖蟹肉😜
即刻聯想到喺廚房嘅師傅好俾心機咁樣拆啲蟹肉出嚟再釀入去再炸，真係巧手手工菜，而且個蟹盒外皮唔會炸太乾，亦唔會有大浸油益味，外面香脆乾爽，入面鮮甜爽口，好味好味😋
再嚟黑毛豬豚肉生菜包🥙，有別於一般泰式嘅生菜包，佢用上黑毛豬豚肉，而且會預先醃咗再炒成肉粒，肉粒入口好嫩😍，有別於平時食生菜包啲豬肉比較鞋同柴，黑毛豬豚肉粒嘅濃味加埋生菜嘅清新，我都鐘意呢個fusion嘅做法，而且仲好精緻將生菜切成貝殻形狀，條邊仲係波浪形㗎，又靚又好食，我包咗又食咗好多個😝
.
羊肚耳炒鮮淮山🥗，因為我個friend好鍾意食淮山，呢個清清地就咁清炒，可以食到羊肚耳同埋淮山本身嘅味道，正常清炒味道，值得一提佢隻碟好靚😜
.
仲有一碟生炒安格斯牛崧飯🍛，就咁睇佢其貌不揚就係普通嘅一碟炒飯，未入口炒飯香氣撲鼻，入口又係不得了，炒飯同其他嘅材料好似安格斯牛肉崧，菜心粒，雞蛋比例完美咁融合，炒飯够香，腍，軟，最緊要有鑊氣！我個friend食咗一碗仔，其餘大半碟我自己食晒，我承認我係飯桶😂但係真係幾好食！
最後甜品🍮大良炸鮮奶，呢個係順德名菜，佢就細細一條仔咁，中間係微甜嘅鮮奶，外層依然香脆，唔會覺得好油，值得一讚，呢間嘢嘅炸物真係炸得唔錯👍
其實我好少食私房菜，不過今次呢間私房菜無論環境同埋食物我都覺得幾高質幾啱我口味👍大廚好嘢👏同埋服務態度都唔錯啊，我見到網上話佢嘅冰鎮咕嚕肉好似好正咁，今次冇點到，下次有機會一定要試吓😜
店名：睿私房菜
地址：銅鑼灣耀華街38號Zing!28及29樓
Post
