焰淑泰國餐廳 (Closed)

今晚同朋友黎到呢間位於登龍街街尾既焰淑泰國餐廳食飯, 銅鑼灣食飯有唔少選擇, 呢間地理位置優秀, 同埋係地鋪唔洗等𨋢。一坐低就比左左手面既menu吸引住, 前菜, 主菜, 飲品仲有任食串燒都係呢個價錢, 我地無乜點諗就揀左呢款了。今晚主要食海鮮所以開左支白酒, 跟餐會有一支, 呢支係新世界酒新年都比較新, 入口比較淡雅, 配濃味既海鮮幾match。頭盤係生蝦刺身, 辣汁配上蒜片同薄荷葉, 如果有埋苦瓜就仲正。主菜我地叫左龍蝦沙律, 因為比較少見同特別, 龍蝦肉爽口, 香味夠濃, 除左比較咸左少少外都好好食。同經理反映左比較咸之後, 佢就話因為廚房同事全部係正宗泰國人煮野有時會較重手, 之後會因應香港客慢慢調整返個味道。而任食既串燒, 基本款既雞牛豬都唔錯! 仲有燒青口同燒生蠔, 燒魷魚, 雞翼等等, 我地都覺得魷魚燒得最好食, 夠晒爽口, 配埋泰式醬引埋d鮮味出黎! 呢度都係唔錯既地方, 環境闊落, 野食ok, 好適合朋友聚餐傾計。