Video
Read full review
2024-07-28
128 views
想食日本嘢，但又有啲趕時間要快食，食日式丼飯就啱晒喇。知道銅鑼灣百樂中心上面開咗間新嘅日式餐廳「汐」有丼飯食，咁就啱晒啦。餐廳係日系裝修，有一張長吧枱，另外有兩張四人榻榻米枱。環境優雅舒適。蟹膏甲羅燒配蟹籽及三文魚籽丼飯：賣相好靚，大量嘅蟹膏喺蟹殼上面，好啱打卡。蟹膏味濃郁。三文魚籽好鮮味呀。撈埋蟹肉，蟹籽，粟米，青瓜同埋中華沙律一齊食，口感好豐富！明太子八爪魚配北海道刺身帶子丼飯：北海道刺身帶子新鮮肉厚。八爪魚大片易咬開，份量都唔少。明太子醬汁嘅鹹香味撈飯啱晒。橙味汽水：飲埋罐日式橙味汽水就係圓滿一餐。特別一提嘅係呢間餐廳用餐時間限時90分鐘，如果喺食物上枱計算50分鐘內交枱仲有七五折優惠添（真係好抵）
想食日本嘢，但又有啲趕時間要快食，食日式丼飯就啱晒喇。知道銅鑼灣百樂中心上面開咗間新嘅日式餐廳「汐」有丼飯食，咁就啱晒啦。
餐廳係日系裝修，有一張長吧枱，另外有兩張四人榻榻米枱。環境優雅舒適。
蟹膏甲羅燒配蟹籽及三文魚籽丼飯：賣相好靚，大量嘅蟹膏喺蟹殼上面，好啱打卡。蟹膏味濃郁。三文魚籽好鮮味呀。撈埋蟹肉，蟹籽，粟米，青瓜同埋中華沙律一齊食，口感好豐富！
明太子八爪魚配北海道刺身帶子丼飯：北海道刺身帶子新鮮肉厚。八爪魚大片易咬開，份量都唔少。明太子醬汁嘅鹹香味撈飯啱晒。
橙味汽水：飲埋罐日式橙味汽水就係圓滿一餐。
特別一提嘅係呢間餐廳用餐時間限時90分鐘，如果喺食物上枱計算50分鐘內交枱仲有七五折優惠添（真係好抵）
Post
