鐵板一 (Under Renovation)

今日去銅鑼灣想買D家品，行到又熱又攰，老公就話不如帶左我去扒房鋸吓扒。呢幢大廈全部都係食肆，佢唔帶我去我都唔識黎。餐廳都幾有森林感覺，有氣氛，職員安排我哋坐卡座，地方好闊落，坐得舒服。呢度有set dinner，價錢都幾抵，我哋叫左一個牛扒餐，一個什扒，仲有兩個小食。餐湯：呢度餐湯唔係普通嘅紅白湯，而係西蘭花薯仔湯。第一次飲呢個湯炸，已經覺得好好飲。飲到淡淡薯蓉同西蘭花味，味道濃。另外仲有餐飽跟，真係大滿足。香燒煙肉帶子：煙肉燒到好香出晒油，帶子唔細隻架，包住帶子食原來味道係咁夾，估唔到咁好食。水牛城雞翼：熱辣辣，入口好香椒鹽味道，真係食幾多都唔會厭，西蘭牛柳：鐵板上，一路食一路keep住熱。牛柳成寸厚，比較瘦，叫左五成熟，剛剛好，點埋黑椒汁食就最好。另外旁邊薯條同菜比都平時餐廳食開嘅多，真係食到好飽。BG什扒：什扒份量好多，有豬扒、牛扒、雞扒、青口、火腿同司華力腸，老公話呢個最啱佢，夠豐富又多款式，唔錯。凍檸檬茶 & 凍檸蜜：凍檸檬茶叫左少冰少甜，兩杯味道正常，夠冰凍。