家賀屋

🥳忙碌過後，要好好獎勵一下自己！約左好朋友去銅鑼灣嘅加賀屋食晚餐，聽講呢間餐廳評價唔錯，於是就入去試吓！👏🏻餐牌選擇非常豐富，從壽司、刺身丼到前菜、揚物和串物，每一樣都讓人心動。我哋點了幾道推薦既菜式，特選海鮮丼（$338）絕對係必試之選，十幾款刺身新鮮美味，擺盤精美，特別係醬油鮑魚同海膽，味道令人驚喜。👅月見手切本鮪魚腩蓉丼（$125），滿滿的鮪魚腩滑嫩可口，伴飯一流呀。海膽龍珠卷（$138）海膽+吞拿魚蓉+醬油漬蛋黃，豐富的口感，仲有啲金箔打卡able，十分推薦！🌟黑松露煙燻帆立貝（$35）同火炙厚切鮟鱇魚肝（$42）都非常出色，前者的香氣和後者的醇厚令人難以忘懷。仲有汁燒免治雞軟骨棒（$35）都好好味，口感酥脆。🔥炙烤北海道魷魚條（$78），香噴噴好彈牙，讓人回味無窮，西京燒熟成黑豚腩肉（$88），肉質鮮嫩，令人滿足。巨峰提子乳酸梳打酒（$48），清新既口感為呢次晚餐畫上完美句號。