天草漁場 (Closed)

終於都捱到星期六喇，返咗一個星期工真係好攰啊，所以約咗好朋友去食下好西。今次我哋嚟到銅鑼灣邊寧頓街食飯，呢一座大廈係新起好㗎，睇嚟遲啲又會有好多好野食喇！一去到六樓，出𨋢就見到一間佈置得好有日本feel嘅餐廳，叫做天草漁場，呢度主打日本燒烤。首先，先嚟一個汁煮花螺，煮花螺嘅汁幾夠濃郁，又夠味，花螺啱啱好，凍食幾正！跟著就係個熊本蕃薯煙豚，豚肉煙燻到好香，再同蕃薯一齊食，唔會好肥、好膩。日本燒烤又點少得燒海鮮，呢個燒扇貝好大粒，鮮味十足。呢個雞翼唔係咁簡單，叫大草大王鵝肝雞翼，雞翼入面釀咗鵝肝，雞翼外皮好香脆，入面好軟，大家可以試下。除咗食燒烤之外，我哋仲叫咗吞拿魚刺身，有腩加赤身，吞拿魚腩，好肥美；赤身又冇渣！身為飯團腔嘅我一定要叫番個燒飯團嚟食下，呢個黑松露燒飯團就啱哂我，下面脆卜卜，上面有一大片黑松露，好夾！日本野菜盛拌蕃茄味噌仲有芝麻雪糕大家喺銅鑼灣又多一個選擇喇！