Video
Read full review
2023-07-10
18 views
今日嚟到銅鑼灣呢間日式居酒屋，見到佢一至日都有午市套餐，有$68至到128都有， $68通常都係熟食好抵食，喺銅鑼灣食到日本嘢仲有$68真心！但今日就想食魚生。所以就叫咗比較貴少少嘅壽司！魚生質素都唔錯喎，居酒屋有樓上2樓坐得好舒適！🍣壽司定食 跟湯烏冬$128 (7.5/10)刺身飯喺手握，食落飯粒唔會太黏口，帶少少醋味，油甘魚好清香，魷魚有𠝹花都幾爽口，三文魚都有油香魚味，池魚幾清香，燒香嘅魚有脂肪魚味濃郁，海膽好甘香回甘唔苦，欣賞佢用青瓜包住帶咗啲青新爽口嘅感覺，烏冬個湯係鹹鹹地，比較清淡嘅，烏冬係偏腍，大少少煙靭口感，ok的。🍣角切魚生飯 $128 (7.5/10)有八爪魚，吞拿魚，蟹柳，三文魚，油甘魚，青瓜玉子，份量好足，刺身都好新鮮，真係口感都唔錯，麵豉湯正常唔會好鹹，入邊有海帶蘿蔔豆腐都好足料。推薦指數: 7.5/10服務好好好有禮貌，嘢食嘅質素都好唔錯，下次會想試吓$68嘅吉列豬扒飯，又或者夜晚嚟食吓串燒飲吓酒都幾唔錯，喺銅鑼灣地點又好就腳，推薦大家試吓！
🍣壽司定食 跟湯烏冬$128 (7.5/10)
刺身飯喺手握，食落飯粒唔會太黏口，帶少少醋味，油甘魚好清香，魷魚有𠝹花都幾爽口，三文魚都有油香魚味，池魚幾清香，燒香嘅魚有脂肪魚味濃郁，海膽好甘香回甘唔苦，欣賞佢用青瓜包住帶咗啲青新爽口嘅感覺，烏冬個湯係鹹鹹地，比較清淡嘅，烏冬係偏腍，大少少煙靭口感，ok的。
🍣角切魚生飯 $128 (7.5/10)
有八爪魚，吞拿魚，蟹柳，三文魚，油甘魚，青瓜玉子，份量好足，刺身都好新鮮，真係口感都唔錯，麵豉湯正常唔會好鹹，入邊有海帶蘿蔔豆腐都好足料。
推薦指數: 7.5/10
服務好好好有禮貌，嘢食嘅質素都好唔錯，下次會想試吓$68嘅吉列豬扒飯，又或者夜晚嚟食吓串燒飲吓酒都幾唔錯，喺銅鑼灣地點又好就腳，推薦大家試吓！
Post
